कालिकोट : राष्ट्रिय स्वतन्त्र पार्टी (रास्वपा) जिल्ला समिति कालिकोटद्वारा आयोजित विस्तारित बैठक बिहिबार सदरमुकाम मान्ममा सम्पन्न भएको छ। जिल्ला सभापति प्रेम केसीको सभाध्यक्षता र ध्वज बहादुर शाहीको प्रमुख आतिथ्यतामा सम्पन्न बैठकमा नौ वटै पालिकाका सभापति वडा सभापति तथा भातृ–संगठनका प्रतिनिधिहरूको उल्लेखनीय उपस्थिती रहेको थियो।
बैठकमा जिल्लामा बढ्दै गएको भ्रष्टाचार अनियमितता, दलाली कमीशनखोरी, विकास कार्यमा भइरहेको ढिलासुस्ती तथा नागरिकले पाउने सेवासुविधामा देखिने मनपरी प्रवृत्तिबारे विस्तृत छलफल भएको जिल्ला कमिटी सदस्य धनिराम धमलाले बताए ।
बैठकले सुशासन प्रवर्द्धनका लागि पाँच महत्त्वपूर्ण निष्कर्षसमेत निकालेका छन्। जसमा स्थानीय तहदेखि जिल्लास्तरमा देखिएका अनियमितताको तथ्य संकलन, भ्रष्टाचारका घटनाहरू सार्वजनिक गर्ने अभियान सञ्चालन, जनतासँग प्रत्यक्ष संवाद (जनसंवाद कार्यक्रम) विस्तार युवा महिलालाई सुशासन अभियानमा सक्रिय सहभागिता गराउने र संगठन विस्तारसँगै सफा राजनीति तथा इमानदार नेतृत्वको सन्देश व्यापक रूपमा फैलाउने निर्णय गरेका छन्।
तिलाप्रेस । १२ मंसिर २०८२, बिहीबार २१:२५