कालिकोट : जिल्लाको रास्कोट नगरपालिका वडा नं. ३ मा सञ्चालित सागाटिया नैकाला र कुमालबाडा खानेपानी तथा सरसफाई योजनामा आज बिहान संयुक्त रुपमा पूर्ण सरसफाईतर्फको कार्यक्रम सम्पन्न गरिएको छ । उक्त अवसरमा योजनासँग आबद्ध घरधुरीहरूलाई सरसफाई प्रवद्र्धन तथा सुरक्षित खानेपानीको पहुँच सुनिश्चित गर्न घरघरमै फिल्टर वितरण गरिएको वडा अध्यक्ष राजेन्द्र नाथ योगीले बताए ।
कार्यक्रममा स्थानीय समुदाय, योजना समितिका पदाधिकारी, वडा कार्यालयका प्रतिनिधि तथा सरोकारवाला निकायहरूको उपस्थिति रहेको थियो । कार्यक्रममा सरसफाई तथा स्वच्छताको महत्वबारे जनचेतना मूलक सन्देशहरू पनि प्रस्तुत गरिएका थिए। आयोजकका अनुसार योजनाको उद्देश्य दीर्घकालीन रूपमा स्वच्छ र सुरक्षित खानेपानीको पहुँच विस्तार गर्नु महत्वपूण विषय भएको अध्यक्ष योगीको भनाइ रहेको छ।
तिलाप्रेस । २१ असार २०८२, शनिबार ११:३७