कालिकोट: रास्कोट नगरपालिकामा रहेका आधारभुत तहका शिक्षकहरुको क्षमता विकास गर्नका लागि पाठ्यक्रममा आधारित शिक्षण सिकाई तालिम दिइएको छ । आधारभुत तह कक्षा २ देखि ३ सम्ममा अध्यापन गराउने शिक्षकहरुलाई एकीकृत पाठ्यक्रममा आधारीत शिक्षण सिकाई सम्वन्धि कष्टमाइज्ड तालिम दिइएको छ । समाज जागरण केन्द्र नेपालको आयोजना र शिक्षा यूवा तथा खेलकुद शाखा रास्कोट नगरपालिकाको समन्वयमा ५ दिने तालिम दिइएको स्याक नेपालका शिक्षा अधिकृत धुर्वनाथ योगीले बताउनु भयो
शुभकालिका गाउँपालिका
पचालझरना गाउँपालिका
गुणस्तरीय सिकाईका लागि विद्यालय शिक्षा क्षेत्र योजना निर्माणमा स्थानिय तहको क्षमता अभिबृद्धि कार्यक्रम अन्तर्गत रास्कोट नगरपालिकाको शिक्षा क्षेत्र सुधार गर्नका लागि र बालवालिकाको सिकाई स्तर बृद्धि गर्नका लागि १५ वटा आधारभुत तह विद्यालयका २८ जना शिक्षकहरुको सहभागितामा ५ दिने तालिमको आयोजना गरि आज समापन गरिएको योगीले जानकारी दिनुभयो । रास्कोट नगरपालिकाको शैक्षिक सुधार गर्ने अभियान, शैक्षिक क्रान्तीको नारालाई पुरा गर्नका लागि र गुणस्तरीय शिक्षाका लागि स्याक नेपालले शिक्षक, विव्यस, जनप्रतिनिधि शैक्षिक सरोकारवाहरुको क्षमता विकास तालिम गोष्ठि सँगै शिक्षा सम्वन्धि विभिन्न निति नियम तथा कार्ययोजना तयार पार्ने काम गरिरहेको छ ।
५ दिने तालिमले एकिकृत पाठ्यक्रमको अवधारण सित परिचित हुन र नेपालको एकीकृत पाठ्यक्रमका विशेषताहरु प्चिान गर्ने, आधारभुत तह कक्षा १ देखि ३ सम्म को पाठ्यक्रममा आधारित पाठ्यसामाग्रीको विशेषताहरु प्हिचान गर्ने, पाठ्यक्रम तथा पाठ्यसामाग्री विचको अन्तर सम्वन्ध पहिचान गर्ने र एकीकृत विषयक्षेत्रहरु पहिल्याउन र एकीकृत सिकाइ सहजिकरण प्रक्रिया बताउने जस्ता उद्देस्य पुरा गर्ने लक्ष्य लिइएको छ । शिक्ष्आ श्रोतव्यक्ती लक्ष्मि प्रसाद बरालको अध्यक्षतामा भएको समापन कार्यक्रमको प्रमुख अतिथि रास्कोट नगरपालिकाका उपप्रमुख मनिराज बराल रहनु भएको थियो भने तालिमको सहजिकरण पुरुषोत्तम गिरीले गर्नुभएको थियो । विद्यार्थिको भविस्य निर्माण गर्नका लागि र उनिह्रुलाई गुणस्तरीय शिक्षाका लागि आधारभुत तह वलियो हुनपर्छ ।
घरको जग कमजोर भएमा घर नै कमजोर हुने कुरालाई आत्मसाथ गर्दै स्याक नेपालले रास्कोट नगरपालिकामा शिक्षा क्षेत्रको परिवर्तनका लागि शिक्षाको पहिलो जग आधारभुत तहलाई आधार मानेर नगरपालिकासँग समन्वय गरेर काम गरिरहेको छ । गुणस्तरीय शिक्षाका लागि र विद्यार्थिको सिकाई परिवर्तन गर्नका लागि नगर सरकारले मात्र नसक्ने र विभिन्न संघ संस्थाको पनि सहयोग आवश्यक पर्ने उपप्रमुख मनिराज बरालले बताउनु भयो ।
उहाँले स्याक नेपालले आधारुभत तहलाई पहिलो प्राथमिकतामा राखेर काम गरिरहेको हुँदा आधारुभत तह वलियो भयो भने शिक्षा क्षेत्रमा आएको परिवर्तन पनि देखिने र विद्यार्थिको भविस्य पनि उज्वल हुने बताउनु भयो । उहाँले ५ दिने तालिममा सिकेका कुरालाई व्यवहारमा उतारे कक्षा कोठामा विद्यार्थिको सिकाईमा बृद्धि गर्नका लागि लागु गर्न निर्देशन दिनुभयो ।
तिलाप्रेस । २२ चैत्र २०८१, शनिबार १४:०२