कालिकोट चैत २२ : विशेषज्ञ स्वास्थ्य शिविर बाट ६ सय ६९ जना सेवाग्राहीहरुले सेवा लिएका छन् । जिल्लाको महावै गाउँपालिकामा संचालन गरिएको दुई दिने विशेषज्ञ स्वास्थ्य शिविर बाट ६ सय ६९ जनाले सेवा लियका छ्न् । दुई दिन सम्म संचालन गरिएको उक्त शिविरबाट जेष्ठनागरिक ,बालबालिका तथा बयस्कहरुलाई सहजरुपमा औषधि उपचार गरिएको छ ।
शुभकालिका गाउँपालिका
पचालझरना गाउँपालिका
चैत २१ र २२ गते सुरु भएको शिविर शुक्रबार स्वास्थ्य सेवा कार्यालय कालिकोट, स्वास्थ्य शाखा महावै गाउँपालिका, महावै आधारभूत अस्पताल, ओदा फाउन्डेसन र प्रदिया फाउन्डेसनले संयुक्त रुपमा शिविर सम्पन्न गरेका छन् । शिविरबाट हाडजोर्नी तथा नसा रोग सेवा, स्त्री तथा गर्भवती, बालरोग सेवा, सामान्य सल्यक्रिया, परिवारनियोजन सेवा, निदात्मक सेवालगायत अन्य रोगका बिरामीहरुको उपचार गरिएको महावै गाउँपालिकाका अध्यक्ष खेमबहादुर सिंहले बताउनु भएको छ ।
गाउँपालिकामै शिविरको संचालन हुँदा यहाँका नागरिकलाई सहज हुनुका साथै पालिकामै सेवादिन पाउँदा हामिहरु पनी खुशी भएको जिल्ला अस्पताल कालिकोटका जनस्वास्थ्य अधिकृत कटक महतले बताए ।
उक्त शिविर सम्पन्न पार्नका लागी निरन्तर लागी पर्न सहयोगी निकायलाई धन्यवाद दिँदै यही चैत २६ र २७ गते आँखा उपचार शिविर सञ्चालन गर्न लागिरहेको समेत अध्यक्ष सिंहले जानकारी दिए ।
तिलाप्रेस । २१ चैत्र २०८१, शुक्रबार १७:५४