कालिकोट कर्णाली प्रदेशका प्रथम मुख्यमन्त्री तथा प्रतिनिधि सभा सदस्य माननीय महेन्द्र बहादुर शाही र गाउँपालिका अध्यक्ष मोहन बहादुर केसीले संयुक्त रूपमा ३ दिने निःशुल्क आँखा शिविरको उद्घाटन गरेका छन्। “नो लिमिट्स नेपाल“ को सहयोग तथा गाउँपालिकाको समन्वयमा सञ्चालन भएको उक्त शिविरले स्थानीय बासिन्दाहरूलाई निःशुल्क आँखा परीक्षण तथा उपचार सेवा प्रदान गर्ने छ।
शिविर उद्घाटन समारोहमा बोल्दै माननीय शाहीले यस्तो अभियानले ग्रामीण भेगका नागरिकको स्वास्थ्यमा महत्वपूर्ण योगदान दिने बताए। ग्रामिण क्षेत्रका नागरिकहरुको जिवनलाई स्वस्थ राख्नका लागि यस्ता विभिन्न सिविरहरुको आबश्यकता रहेको समेत शाहिले बताए । गाउँपालिका अध्यक्ष केसीले समेत स्वास्थ्य सेवाको पहुँच नपुगेका नागरिकका लागि यस्ता कार्यक्रम आवश्यक रहेको उल्लेख गरे। यो सिविरको आयोजना गर्ने आयोजक संस्थालाई धन्यवाद प्रकट गर्दै उनले यस्ता विभिन्न सिविरका लागि पालिकाले आगामि दिनमा समन्वय सहकार्य गरेर जाने बताए ।
शुभकालिका गाउँपालिका
पचालझरना गाउँपालिका
शिविरमा भेरि आँखा अस्पतालका वरिष्ठ नेत्र विशेषज्ञहरूद्वारा परीक्षण, औषधि वितरण तथा आवश्यक परे शल्यक्रियाको परामर्श दिने बताइएको छ। आयोजकहरूका अनुसार शिविरबाट सयौं नागरिकले लाभ लिने अपेक्षा गरिएको छ। यहाँका गरिब विपन्न बृदवृद्दाहरुले पैशाको अभावमा आँखाको औसधि गर्न नपाएको हुँदा उनिहरुको समस्या बुझेर यो सिविरको आयोजना गरिएको संस्थाका अध्यक्ष खेमराज शाहिले बताए ।
साथै आज पहिलो दिनमै ३ सय जना बढिले आँखाको चेकजाँच गराएका छन भने शल्यक्रीया गर्नु पर्नेहरुको विवरण समेत संकलन गरिएको छ । नो लिमिट्स नेपालले यहाँको शिक्षा स्वास्थ्य र सामाजिक क्षेत्रमा विभिन्न कार्यक्रमहरु संचालन गर्दै आईरहेको छ । सामुदायिक विद्यालयहरु सुधार गर्ने, भौतिक संरचना पुननिर्माण तथा गरिव विपन्न असहाय बालबालिकालाई विद्यालय पोषाक स्टेश्नरी सामाग्री सहयोग गर्दै आइरहेको छ । यस्तै नो लिमिट्स नेपालले ३ महिने सिलाई कटाई तालिम समेत संचालन गरेको छ । यहाँका महिलाहरुलाई सिप सिकाएर उद्यमी बनाउनका लागि सिपमुलक तालिमको समेत आयोजना गरिएको संस्थाका अध्यक्ष खेमराज शाहीले बताउनु भयो ।
तिलाप्रेस । २३ फाल्गुन २०८१, शुक्रबार १६:१४