कालिकोट :प्रदेश सभाको संसदीय मर्यादा, संसद संचालन प्रक्रीया र संसदको भुमिकाका विषयमा यूवाहरुलाई नमुना यूवा संसद अभ्यास गराईएको छ । रास्कोट नगरपालिका, सान्नी त्रिवेणी गाउँपालिका र नरहीनाथ गाउँपालिकाका ३० जना यूवाहरुलाई उनिहरुको क्षमता विकास गर्नका लागि संसदको प्रक्रीयाका विषयमा यो अभ्यास गराइएको हो । संसदिय अभ्यास र नीति निर्माण तयार, सभामुख उपसभामुख चयन, मुख्यमन्त्रि र अन्य मन्त्रि चयन, संसद कसरी संचालन गर्ने भन्ने विषयमा अभ्यास गराइएको हो । प्रदेश सभामा सांसदहरुले आफ्नो भनाई राखेको सामाजिक संजालमा देखेको तर त्यसको प्रत्यक्ष अवलोकन गर्न नपाएका यूवाहरुलाई यो अभ्यासले संसद भवनमै वसेर संसद चलाएको जस्तो महशुस गरेका छन । विशेष गरि नमुना यूवा संसद अभ्यासमा यूवाहरुले यहाँका विभिन्न समस्याहरुका विषय उठान गरि संसदमा प्रश्तुत गरेका थिए ।
सभामुख, उपसभामुखको भुमिका, मुख्यमन्त्रि, अन्य मन्त्रि, सत्ता पक्ष दल, प्रतिपक्ष दलको भुमिका, संसद सचालनको प्रक्रीया, संसदमा उठेका विभिन्न विषय, त्यसको जवाफ सहितको अभ्यास गरेका हुन । वजेट निर्माण, निति तथा कार्यक्रम तयार र प्रश्तुत, सभामुख, उपसभामुखको निर्वाचन प्रक्रीया, मुख्यमन्त्रि र मन्त्रिहरुसँग प्रश्नोत्तर लगायतका अभ्यास गरेका छन । ४ दिन सम्म गरेको यो नमुना यूवा संसद अभ्यास आफ्नो जिवनको ठूलो उपलब्धि हुने सहभागि यूवाले बताएका छन् । नमुना यूवा संसद अभ्यास सिक्न पाउनु आफुहरुको सौभाग्य भएको सहभागि यूवाले बताएका हुन् । विश्वका विकसीत देशहरुमा संसदिय अभ्यासको ठुलो महत्व रहेको र यसको महत्व नेपालमा पनि देखिएको हुँदा समय समयमा यो अभ्यास गराउँदै आएको प्रशिक्षक प्रकाश उपाध्यायले बताउनु भयो ।
यो अभ्यासवाट नै यूवाहरुका सवाललाई संसद सम्म कसरी लैजाने र नीति नियम कसरी निर्माण गर्न सकिन्छ, संसद कसरी चल्छ यसको प्रक्रीया कसरी अगाडि बढ्छ भन्ने विषयमा ३० जना यूवाहरुलाई सहभागि गराई नमुना यूवा संसद अभ्यास संचालन गरिएको उहाँले बताउनु भयो । विगतमा राष्टिय यूवा परिषदले गर्दै यो कार्यक्रम यो वर्ष प्लानको सहयोग किर्डाक नेपालको आयोजना र हुरुन्डेक नेपालसँगको समन्वयमा ३ वटा पालिकाका यूवाहरुको सहभागितामा सान्नी त्रिवेणी गाउँपालिका अभ्यास गराइएको किर्डाक नेपालका जिल्ला संयोजक तुलराम पाण्डेले बताउनु भयो । यस्ता कार्यक्रमहरुले यूवाहरुको पहिचान र उनिहरुको क्षमता विकास गराउने उद्देस्यले प्लानसँगको सहयोगमा नमुना यूवा संसद अभ्यास गराइएको पाण्डेले बताउनु भयो । उहाँले संघियता पछि तिन वटा सरकार निर्माण भएका छन । ति सरकार कसरी संचालन हुन्छन् तिनिहरुको भुमिका के हुन्छ भन्ने विषयमा यूवाहरुलाई जानकारी गराई यो कार्यक्रमले यूवाहरुका सवालहरु प्नि सुन्न पाएको सान्नी त्रिवणी गाउँपालिका उपाध्यक्ष पार्वति शिंह संज्यालले बताउनु भयो ।
यूवा कस्तो हुनु पर्छ, यूवाले कसरी समाजका सवालमा पैरवि गर्नु पर्छ , सिद्दान्तलाई व्यवहारमा कसरी लागू गर्न सकिन्छ भन्ने लगायतका विषयमा यो अभ्यासवाट क्षमता विकास हुने उहाँले बताउनु भयो । भोलीको देश हाक्ने आजका यी यूवाहरु रहेको र यीनै यूवाहरुलाई यस्ता अभ्यासले समाज निर्माण र देश परिवर्तनमा ठूलो सहयोग पुग्ने सान्नी त्रिवेणी गाउँपालिका वडा नं. ४ का वडा अध्यक्ष देवनाथ योगीले बताउनु भयो । छोटो समयको प्रशिक्षणवाट आज नमुना प्रदेश सभा संचालन गर्न यूवाहरु सक्षम भएको देख्दा आफुलाई निकै खुसी लागेको योगीले बताउनु भयो ।
तिलाप्रेस । ११ फाल्गुन २०८१, आईतवार १८:३५