पञ्चदेव मा.वि काे वार्षिकोत्सब सम्पन्न,  उत्कृष्ट  शिक्षक-विद्यार्थी सम्मानित

प्रकाश बराल आँसु कालिकोट / कालिकोटको खाँडाचक्र नगरपालिका ०१ स्थित साविक कर्णाली अञ्चल कै पहिलाे उच्च माध्यमिक बिद्यालय श्री पञ्चदेव माध्यमिक बिद्यालयकाे ४६ औं वार्षिकोत्सव तथा अभिभावक भेला सम्पन्न भएको छ । सरोकारवाला तथा अभिभावकहरूको उपस्थितिमा विहिबार भेला गरी विद्यालयको ४६ औं वार्षिकोत्सव मनाइएको हो । कार्यक्रमका प्रमुख अतिथि जिल्ला विकास समिति कालिकोटका पुर्व सभापति तथा जेष्ठ नागरिक हर्ष बहादुर शाहिले शिक्षाकाे गुणस्तरमा वृद्धि गर्न शिक्षक, अभिभावक र सरोकारवाला निकायको अहम् भूमिका हुने बताए । शिक्षामा पहिलेकाे भन्थदा अहिले कहि फरक रहेकाे र अँझै बदलिँदो परिबेश संग जान नसकेकाे बदलिँदो परिबेशमा जानका लागि अभिभावक देखि बिद्यालय प्रशासन तथा स्थानीय सरकारकाे सम्बन्ध प्रगाढ हुने पर्ने बताएका छन् ।

कार्यक्रमका विशिष्ट अतिथि खाँडाचक्र नगरपालिका वडा नम्बर १ का वडा अध्यक्ष धर्मराज ताम्राकारले शिक्षा नै समाज परिवर्तनको महत्वपूर्ण साधन भएकाले आफ्ना बालबालिकाको शिक्षामा ध्यान दिन आवश्यक रहेको बताए । कार्यक्रममा बिशेष अतिथिका रुपमा रहनुभएका खाँडाचक्र नगरपालिकाका पुर्व नगर प्रमुख जसि प्रसाद पाण्डेले आफू सरकारमा हुँदा जति गर्नु पर्ने हाे त्यति गर्न नसकिएकाे र अँझै पनि सरकार बाहिरबाट भए पनि बिद्यालयलाई आवश्यक परेकाे खण्डमा जस्तोसुकै सहयोग गर्न तयार रहेकाे बताउनुभएकाे छ ।

साेहि अवसरमा बर्ष उत्कृष्ट शिक्षकका रुपमा शिक्षक बिरेन्द्र चाैधरि लगायत बर्ष उत्कृष्ट अनुशासित बिद्यार्थी, बर्ष भरिकै नियमित बिद्यार्थी, २०८० को बार्षिक परीक्षा अन्तर्गत कक्षागत प्रथम, द्वितिय र तृतिय हुने विद्यार्थी र बर्षभरिका अतिरिक्त क्रियाकलापमा सहभागी विद्यार्थीहरुलाई समेत पुरस्कार प्रदान गरिएको थियो भने विद्यालयमा आउनुभएका नवआगन्तुक शिक्षक बिद्यालय ब्यवस्थापन समितिद्वारा स्वागत समेत गरिएको थियो ।
बिद्यालय ब्यवस्थापन समितिका का. अध्यक्ष लाेकुल बहादुर शाहीको अध्यक्षतामा भएको सो कार्यक्रममा प्रधानाध्यापक चन्द्र प्रसाद काेईरालाले बार्षिक प्रगति प्रतिवेदन प्रस्तुत गर्नुका साथै विद्यालयको शैक्षिक, भौतिक, व्यवस्थापकीय पक्षमा अझै सुधार गर्दै लैजाने भावी योजना समेत अभिभावकहरु माझ प्रस्तुत गर्नुभएकाे थियाे ।
अभिभावकहरुको उल्लेखनीय सहभागिता रहेको उक्त कार्यक्रममा विद्यार्थीहरुले आफ्ना विभिन्न किसिमका प्रतिभा समेत देखाएका थिए भने उक्त कार्यक्रमकाे संचालन शिक्षक हरि बहादुर शाहीले गर्नुभएकाे थियाे ।

तपाईको प्रतिक्रिया