कालिकोट: सान्नी त्रिवेणी गाउँपालिकाको शिक्षामा आधारीत विपद पुर्व तयारी तथा प्रतिकार्य संसोधन सम्वन्धि २ दिने कार्यशाला गोष्ठि आज सम्पन्न भएको छ । शिक्षा यूवा तथा खेलकुद शाखाको आयोजना र समाज जागरण केन्द्रको सहयोगमा संचालित २ दिने कार्यशाला गोष्ठिले विभिन्न योजना तथा समिति निर्माण गर्दै आज सम्पन्न भएको हो । विपदवाट बच्नका लागि र विपदसँग प्रतिकार्य गर्न सक्ने योजना निर्माण गर्नका लागि समितिका सदस्यहरुसँग र विज्ञसँग छलफल गर्नका लागि २ दिने कार्यशाला गोष्ठिको आयोजना गरिएको हो । सान्नी त्रिवेणी गाउँपालिकाले २०७९ सालमा बनाएको विपद प्रतिकार्य योजनालाई थप छलफल तथा सुझाव सहित संसोधन गर्न थालिएको शिक्षा शाखा प्रमुख मोहनविर धामीले बताउनु भयो । उहाँले त्यसका लागि प्रतिवेदन लेखन समिति गठन गरिएको र त्यो समितिले फागुन अन्तिम सम्म मस्यौदा तयार पार्ने बताउनु भयो । उहाँले पहिले निर्माण गरिएको योजनामा केहि त्रुटीहरु रहेको र केहि विषयहरु तथा योजनाहरु संशोधन गर्नु पर्ने भएको हुँदा समितिका सदस्यहरु, र विज्ञहरुसँगको प्राप्त सल्लाह सुझाव र समुहगत छलफलवाट प्राप्त बुँदालाई समेटेर संशोधन गरिने धामीले बताउनु भयो । गोष्ठिमा सहभागिहरुले विगतमा घटेका विपतका घटनाहरुको स्मरण गर्दै त्यस्ता विपतका घटनाहरुवाट बच्नका लागि के गर्न सकिन्छ र ती विपदहरुसँग कसरी प्रतिकार्य गर्न सकिन्छ भन्ने विषयमा छलफल गरिएको र नमिलेका बुँदा र योजनामा संसोधन गरिने बताएका छन् । भुकम्प मात्र विपद नभई वाढि पहिरो आगलागि हावाहुरी जस्ता विपदहरुवाट बच्ने उपाय र प्रतिकार्य गर्न सकिने योजनाहरु बनाएर संसोधन गर्नु पर्ने गाउँपालिका उपाध्यक्ष पार्वति शिंह संज्यालले बताउनु भयो ।
मस्यौदा लेखन समितिमा पनि सबै कुराको ज्ञान भएको र पालिकाकौ अव्वल व्यक्ती छनौट गरिएको हुँदा मस्यौदा पनि अब्वल हुने बताउनु भयो । उहाँले वाढि पहिरो हावा हुरीको जोखिम उच्च रहेको हुँदा विपदवाट विद्यलय र विद्यार्थिलाई बचाउनका लागि प्रतिकार्य योजना बनाईने बताउनु भयो । पालिकाले विपद पुर्व तयारी प्रतिकार्य योजना संसोधन गरेपनि यसको कार्यान्वयन पालिकामा रहेका सामुदायिक विद्यालयहरुले गर्नु पर्ने निमित्त प्रमुख प्रशासकीय अधिकृत सुदर्शन बमले बताउनु भयो । विद्यालय व्यवस्थापन समिति र शिक्षकहरुले यसको कार्यान्वयन गरि लागु गर्नु पर्ने बताउनु भयो ।
पालिकाको समग्र तथ्यांक संकलन गरेर यहाँको भौगोलिक स्थिती र विगतका विपदका घटनाहरुलाई हेरेर योजना बनाउने नेपाल रेडक्र सोसाईटीका जिल्ला परियोजना संयोजक भोजराज ओझाले बताउनु भयो । कार्यक्रमको संचालन स्याक नेपालद्धारा संचालित परियोजनाको शिक्षा अधिकृत मिना भण्डारीले गर्नुभएको थियो ।
तिलाप्रेस । १० फाल्गुन २०८१, शनिबार २०:३७