कालिकोट : जिल्लाको सान्नी त्रिवेणी गाउँपालिकामा नमुना यूवा संसद अभ्यास कार्यक्रम सुरु भएको छ । पहुँच, पहिचान र प्रतिनिधित्वका लागि जिल्लाका ३ वटा पालिकाका यूवाहरुको सहभागितामा यूवा संसद अभ्यास सुरु गरिएको हो । यूवाहरुको नेतृत्व विकास गर्नका लागि , संसदिय अभ्यास र नीति निर्माणको संसदको कस्तो भुमिका रहन्छ भन्ने विषयमा जानकारि गराउने मुख्य उदेश्यका साथ यो कार्यक्रमको आयोजना गरिएको हो । छिमेकि मुलुक भारतमा संसदिय अभ्यासको ठुलो महत्व रहेको र यसको महत्व नेपालमा पनि देखिएको प्रशिक्षक प्रकाश उपाध्यायले बताउनु भयो । यो अभ्यासवाट नै यूवाहरुका सवाललाई संसद सम्म कसरी लैजाने र नीति नियम कसरी निर्माण गर्न सकिन्छ भन्नेकुराको यो अभ्यासवाट प्रष्ट हुने उहाँले बताउनु भयो ।
राष्टिय यूवा परिषदले गर्ने यो कार्यक्रम किर्डाक र हुरुन्डेक नेपालले गरेर सरकारलाई सहयोग गरेको प्रति गाउँपालिका उपाध्यक्ष पार्वति शिंह संज्यालले धन्यवाद प्रकट गर्नु भयो । उहाँले संघियता पछिको सरकार संचालन कसरी हुन्छ भन्ने कुरा यो अभ्यासवाट यूवाहरुलाई जानकारि हुने र यूवाहरुको नेतृत्व विकास हुने उहाँले बताउनु भयो । यूवा कस्तो हुनु पर्छ, यूवाले कसरी समाजका सवालमा पैरवि गर्नु पर्छ , सिद्दान्तलाई व्यवहारमा कसरी लागू गर्न सकिन्छ भन्ने लगायतका विषयमा यो अभ्यासवाट क्षमता विकास हुने बताउनु भयो । यूवाहरुलाई असल नेता कसरी बनाउने , देशको शासन सत्ता कसरी चलाउने, कसरी चल्छ भन्ने विषयमा जानकारि गराउन यो कार्यक्रमको आयोजना गरिएको किर्डाक नेपाल कालिकोटका जिल्ला संयोजक तुलराम पाण्डेले बताउनु भयो । उहाँले नमुना यूवा संसद अभ्यास जिवनको उपयोगि सिकाई तालिम रहेको बताउदै यसलाई गहन रुपले लिन समेत आग्रह गर्नु भयो ।
कार्यक्रममा रास्कोट नगरपालिकाका ९ , सान्नी त्रिवेणी गाउँपालिकाका १२ जना र नरहरिनाथ गाउँपालिकाका ९ जना गरि ३० जना यूवालाई नमुना यूवा संसद अभ्यास कार्यक्रम दिन लागिएको किर्डाक नेपालका मुल्याङ्कन अधिकृत प्रेम चौलागाइले जानकारि दिनु भयो । किर्डाक नेपालको आयोजना र हुरुन्डेक नेपालको सहकार्यमा भएको कार्यक्रमको अध्यक्षता जिल्ला यूवा संजालका अध्यक्ष सत्य उपाध्याय रहनु भयो भने प्रमुख अतिथि गाउँपालिका उपाध्यक्ष पार्वति शिंह संज्याल विशेष अतिथि किर्डाक नेपाल कालिकोटका जिल्ला संयोजक तुलराम पाण्डे प्रशिक्षक प्रकाश उपाध्याय परियोजना संयोजक बलिराज शाहिको आतिथ्यतामा कार्यक्रमको उद्घाटन गरिएको हो ।
तिलाप्रेस । ८ फाल्गुन २०८१, बिहीबार १७:१३