कमल कुमाल कालिकोट– कालिकोटमा ८ हजार ६ सय ८४ जना किशोरीले पाठेघरको मुखको क्यान्सरविरुद्धको ‘ह्युमन पापिलोमा भाइरस’ (एचपीभी) खोप लगाएका छन्। माघ २२ देखि फागुन ६ गतेसम्म सञ्चालन गरिएको खोप अभियानले ९८.५३ प्रतिशत लक्ष्य हासिल गरेको स्वास्थ्य सेवा कार्यालय कालिकोटका जनस्वास्थ्य अधिकृत कटक महतले जानकारी दिए।
जिल्लाका नौं वटा स्थानीय तहलाई तिन भागमा विभाजन गरि चरणबद्ध रुपमा खोप अभियान संचालन गरिएको थियो । त्यस्तै पहिलो चरण (माघ २२–२४) रास्कोट नगरपालिका, पलाँता, पचालझरना र सान्नीत्रिणेणी गाउँपालिका ,त्यस्तै दोस्रो चरण नरहरीनाथ गाउँपालिका, शुभकालीका गाउँपालिका खाँडाचक्र नगरपालिका र तेस्रो चरण फागुन (४–६) गते तिलागुफा नगरपालिका र महाबै गाउँपालिकामा खोप अभियान संचालन गरी अभियानलाई सफलतापूर्वक सम्पन्न गर्न सहजमय बनाउने सम्पूर्ण स्थानीय तहलाई स्वास्थ्य सेवा व्यवस्थापक डाः भीष्म पोखरेलले धन्यवाद समेत व्यक्त गर्नुभएको छ ।
विद्यालयमा अध्ययनरत कक्षा ६ देखी १० सम्मका सम्पूर्ण छात्राहरुलाई विद्यालयमै खोप दिएको र विद्यालय बाहिर रहेका १० देखी १४ वर्ष उमेर समूहका बिशोरीलाई पाठेघरको मुखको क्यान्सर विरुद्धको ‘ह्युमन पापिलोमा भाइरस’(एचपिभि) खोप दिन सफल भएको स्वास्थ्य सेवा कार्यालय कालिकोटले जनाएको छ ।
तिलाप्रेस । ६ फाल्गुन २०८१, मंगलवार २०:५२