पालिका स्तरीय पाँचौ राष्ट्रपति रनिङ शिल्ड प्रतियोगिता मुम्रामा सुरु

कालिकोट : सान्नी त्रिवेणी गाउँपालिका स्तरीय पाँचौ राष्ट्रपति रनिङ शिल्ड प्रतियोगिता मुम्रामा सुरु भएको छ । “राष्ट्रका लागि खेलकुद, स्वास्थ्यका लागि खेलकुद“ भन्ने मूल नारासहित शनिवार एक कार्यक्रमका विच गाउँपालिका अध्यक्ष मोहन बहादुर केसीले प्रतियोगिताको उद्घाटन गर्नु भएको छ । सामाजिक विकास समिति संयोजक जयप्रसाद सिम्खाडको अध्यक्षतामा संचालन भएको कार्यक्तमको प्रमुख अतिथि गाउँपालिका मोहन बहादुर केसी रहनु भएको थियो भने विशेष अतिथि प्रमुख जिल्ला अधिकारी नारायण भट्टराई रहनु भएको थियो ।

पालिका स्तरीय पाँचौ राष्ट्रपति रनिङ शिल्ड प्रतियोगितामा जनप्रतिनिधि, राजनितीक दल, शिक्षक, कर्मचारी, समाजसेवी, बुद्धिजिवि, खेलाडि लगायतको उपस्थिती रहेको थियो । जिल्ला स्तरीय राष्ट्रपति रनिङ शिल्ड प्रतियोगिताका लागि खेलाडि छनौट गर्नक लागि र खेलाडिहरुको पहिचान गर्नका लागि प्रतेक वर्ष यो प्रतियोगिताको आयोजना गर्दै आएको र यो वर्ष पनि आयोजना गरि जिल्ला स्तरीय पाँचौ राष्ट्रपति रनिङ शिल्ड प्रतियोगिताका लागि खेलाडि छनौट गरिने सामाजिक विकास समिति संयोजक जयप्रसाद सिम्खाडाले बताउनु भयो । आज र भोली २ दिन सम्म चल्ने प्रतियोगितामा विभिन्न विधामा खेलहरु खेलाईने र उत्कृष्टलाई जिल्ला स्तरीय प्रतियोगिताका लागि छनौट गरिने राष्टिय भलिवल खेलाडि तथा प्रतियोगिताका प्रमुख रेफ्री खेमराज गिरीले बताउनु भयो ।

प्रतियोगिताको उद्घाटन गर्दै गाउँपालिका अध्यक्ष मोहन बहादुर केसीले कुनै पक्षपात नगरि निष्पक्ष रुपमा जिल्ला स्तरीय खेलकुदका लागि पालिकाको टिन छनौट गरिने बताउनु भयो । उहाँले खेलाडिको गहना भनेको नै अनुसाशन हुने भन्दै सम्पुर्ण विधाका खेलाडिलाई अनुसाशनमा रहि आफ्नो खेल देखाउन सुझाव दिनुभयो । उहाँले खेलाडिहरुको हौषलाका लागि र उनिहरुलाई प्रोत्साहन गर्नका लागि पालिकाले आगामि दिनमा विभिन्न खेलकुद प्रतियोगिताको आयोजना गर्ने बताउनु भयो ।

खेलाडिहरुको मनोवल बढाउनका लागि र उनिहरुलाई हौषला प्रदान गर्नका लागि समय समयमा विभिन्न प्रतियोगिताको आयोजना गर्नु पर्ने प्रमुख जिल्ला अधिकारी नारायण भट्टराईले बताउनु भयो । उहाँले खेलाडिका अनुसाशन अनिवार्य हुनु पर्ने समेत बताउनु भयो ।