कालिकोट जिल्ला अस्पतालमा स्वास्थ्यजन्य फोहोर व्यवस्थापन केन्द्र सञ्चालनमा आएको छ । कर्णाली प्रदेश सामाजिक विकास मन्त्रालयका सचिव दिर्ग बहादुर पोखरेलले स्वास्थ्यजन्य फोहोर व्यवस्थापन केन्द्रको शुक्रबार उद्घाटन गर्नुभएको हो ।
कार्यक्रममा अस्पताल विकास समिति अध्यक्ष गोगन बहादुर मल्लको अध्यक्षता रहेको थियो भने प्रमुख अतिथि सामाजिक विकास मन्त्रालयका सचिव पोखरेल थिए। प्रमुख जिल्ला अधिकारी नारायण प्रसाद भटराई, खाँडाचक्र नगरपालिका वडा नं. १ का अध्यक्ष धर्मराज ताम्राकार, सामाजिक विकास कार्यालय प्रमुख रछाने लोहार, प्रदेश अस्पतालका मानसिक रोग विशेषज्ञ शुसिल समदर्शी, छाया नेपालका प्रदेश प्रबन्धक मिन बहादुर रावल, स्वास्थ्य शाखा प्रमुख रबिन्द्र सेजुवाल, आयुर्वेदिक स्वास्थ्य प्रमुख लगायत विभिन्न क्षेत्रका प्रतिनिधिहरूको उपस्थिति थियो।
उक्त कार्यक्रममा सामाजिक विकास मन्त्रालयका सचिव पोखरेलले कालिकोट अस्पतालको पूर्वाधार सुधारमा प्रदेश सरकार प्रतिबद्ध रहेको बताए। “हाल बजेट अभाव भए पनि अस्पतालको विकासलाई पहिलो प्राथमिकतामा राखिनेछ,“ उनले भन्नुभयो । प्रमुख जिल्ला अधिकारी भटराईले अस्पतालमा सेवा सुधार आवश्यक रहेको उल्लेख गर्दै स्वास्थ्यजन्य फोहोर व्यवस्थापन केन्द्रले गुणस्तरीय सेवा प्रवाहमा योगदान दिने विश्वास व्यक्त गरे।
युनिसेफ नेपाल र छाया नेपालको २५ लाख रुपैयाँको आर्थिक तथा प्राविधिक सहयोगमा निर्माण भएको यो व्यवस्थापन केन्द्रले अस्पतालमा उत्पन्न फोहोर वैज्ञानिक रूपमा व्यवस्थापन बताएको छ ।
कार्यक्रमको सञ्चालनको भूमिका निर्वाह गर्दे स्वास्थ्य सेवा कार्यालय कालिकेटका जनस्वास्थ्य अधिकृत कटक महतले भन्नु भयो नयाँ व्यवस्थापन केन्द्रले अस्पतालको फोहोरमैला वैज्ञानिक रूपमा व्यवस्थापन गर्न सरल हुँने विश्वस लिएको समेत बताउनु भयो ।
तिलाप्रेस । ३ फाल्गुन २०८१, शनिबार ०६:२८