कालिकोट: जिल्लाकाे रास्कोट नगरपालिकाले बिहीबार ३० औँ जनयुद्ध तथा प्रजातन्त्र दिवसकाे अवसरमा बृहत् साँस्कृतिक कार्यक्रमकाे आयाेजना गरि भव्यताका साथ मनाएको छ। जनयुद्ध तथा प्रजातन्त्र दिवसकाे अवसरमा बृहत् साँस्कृतिक कार्यक्रमकाे नगर प्रमुख धर्मराज शाही(पाेषण) ले दिप प्रज्वलन गरेर उद्घाटन गर्नुभएको थियाे !
नगरपालिकाले जनयुद्ध दिवसको अवसरमा विशेष सभा आयोजना गर्दै जनयुद्धका उपलब्धिहरू स्मरण गराउदै ३० ओैं जनयुद्ध मनाएकाे हाे । स्थानीय जनप्रतिनिधि, वडा अध्यक्ष ,विभिन्न शाखाका प्रमुख तथा प्रतिनिधि , पूर्व लडाकु, नागरिक समाजका अगुवा तथा विभिन्न क्षेत्रका प्रतिनिधिहरूको उपस्थिति रहेको थियो। कार्यक्रममा वक्ताहरूले २०५२ साल फागुन १ गतेदेखि सुरु भएको जनयुद्धले मुलुकको राजनीतिक परिवर्तनमा महत्वपूर्ण योगदान पु¥याएको बारे चर्चा गरेका छन् ।
नगरपालिकाले यस अवसरमा वि.सं. २०६२/६३ को जनआन्दोलन तथा जनयुद्धका सहिदहरूप्रति श्रद्धाञ्जलि अर्पण गर्दै सामाजिक न्याय र विकासलाई प्राथमिकतामा राखेर काम गर्ने जनाएको छ। कार्यक्रमको अवसरमा सांस्कृतिक प्रस्तुति, कविता वाचन तथा स्मरण कार्यक्रमसमेत गरिएको थियो।
तिलाप्रेस । १ फाल्गुन २०८१, बिहीबार १९:४०