कालिकोट सान्नी त्रिवेणी गाउँपालिकाले स्थानिय शिक्षा क्षेत्र योजना निर्माण गर्ने भएको छ । सामुदायिक विद्यालयमा गुणस्तरीय शिक्षा लागु गर्नका लागि र शिक्षा क्षेत्रमा उल्लेखनिय परिवर्तन ल्याउनका लागि युनिसेफ नेपाल तथा स्याक नेपालको आर्थिक तथा प्राबिधिक सहयोगमा स्थानिय शिक्षा क्षेत्र योजना निर्माण गर्न लागेकाे हो । शिक्षा क्षेत्र याेजनाकाे भूमिका,आवश्यकता ,ओैचित्य तथा निर्माण प्रक्रिया तथा याोजना निर्माणका आधार बारे स्थानिय तहकाे क्षमता विकास गर्ने हेतुले ” शिक्षा क्षेत्र योजना निर्माणमा स्थानिय तहकाे क्षमता विकास” विषयक एकदिने कार्यशाला बैठककाे आयाेजना गरिएकाे थियाे।साे कार्यशालाकाे सहजिकरण यस कार्यक्रमका एस.ई.एस.पि संयाेजक हरिभक्त तिवारिले गर्नु भएकाे थियाे ।
उक्त कार्यक्रममा याेजना निर्माणका लगि सान्नी त्रिवेणी गाउँपालिका अध्यक्ष मोहन बहादुर केसीको संयोजकत्वमा विद्यालय शिक्षा क्षेत्र योजना संचालन/मूल समिति गठन गरिएको छ । साथै गाउँपालिका उपाध्यक्षकाे संयोजक्तवमा सल्लाहकार समिति र शिक्षा शाखा प्रमुखकाे संयाेजकत्वमा लेखन समिति गठन भएकाे छ । शिक्षा क्षेत्र याेजना निर्माणका लागि शिक्षाका मुख्य क्षेत्र र अन्तर सम्बन्धित क्षेत्र लेखनका लागि ३ सदस्य कार्यदल गठन गरिएको शिक्षा अधिकृत मिना भण्डारीले जानकारी दिनुभयो । स्थानिय शिक्षा क्षेत्र योजना निर्माणका चुनौति, अवसरहरु, प्रुमख सम्भावना, समस्याहरुका विषयमा समुहगत छलफल गरि पहिचान गरिएको छ ।
शिक्षा यूवा तथा खेलकुद शाखा सान्नित्रिबेणिकाे आयोजनामा भएको गुणस्तरीय शिकाईका लागि विद्यालय शिक्षा क्षेत्र योजना निर्माण तथा वजेट कार्यान्वयनमा स्थानिय तहको क्षमता विकासमा सवलीकरण कार्यक्रममा विद्यालय शिक्षा क्षेत्र सुधार गर्ने र यसका लागि दीगो विकासका विषयमा छलफल गरिएको हो । सान्नी त्रिवेणी गाउँपालिकाको समग शैक्षिक क्षेत्रको गुणस्तर कायम गर्नका लागि र विद्यालयको शिक्षा क्षेत्र सुधार गर्नका लागि के कस्ता योजना बनाउनु पर्छ भन्ने विषयमा जानकारी गराइएको हो । सान्नी त्रिवेणी गाउँपालिकाले आगामि दिनमा शिक्षा क्षेत्रको परिवर्तन, गुणस्तरीय शिक्षा, दक्ष जनशक्ती उत्पादन लगायतका विषयमा रहेर स्थानिय शिक्षा क्षेत्र योजना निर्माण गर्ने छ ।
जस्ले सान्नी त्रिवेणी गाउँपालिकाको शिक्षाको समावेशी तथा समतामूलक पहुँच सुनिश्चित गर्न सहयाेग पुर्याउने छ ।स्थानिय सरकारले शिक्षा क्षेत्रमा ठूलो लगानि गरेपनि लगानि अनुसारको प्रतिफल प्राप्त गर्न नसकेको गाउँपालिका उपाध्यक्ष पार्वति शिंह संज्यालले बताउनु भयो । स्थानिय सरकारसँगै विभिन्न संघ संस्थाको सहयोग समन्वय र सहकार्यले मात्र शिक्षा क्षेत्रमा परिवर्तन गर्न सकिने गाउँपालिका अध्यक्ष मोहन बहादुर केसीले बताउनु भयो । उहाँले समग्र शिक्षा क्षेत्रमा गुणस्तरीय कायम गर्नका लागि र विद्यालयमा शिक्षा क्षेत्रलाई सुधार गर्नका लागि गाउँपालिकाले सबै कुरालाई समेटेर स्थानिय शिक्षा क्षेत्र योजना निर्माण गर्ने बताउनु भएको छ ।
स्याक नेपालले सान्नी त्रिवेणी गाउँपालिकाका सामुदायिक विद्यालयमा विभिन्न कार्यक्रमहरु संचालन गरिरहेको छ । शिक्षा क्षेत्रमा सुधार ल्याउनका लागि शिक्षकहरुको क्षमता विकासका क्रियाकलापहरू गरिरहेको छ ।साथै स्थानिय तहमा देखिएका समस्याहरूका बारेमा छलफल गरिएकाे थियाे।
तिलाप्रेस । १४ आश्विन २०८१, सोमबार १३:२८