कालिकोट
सानिमा बैंक सान्नी त्रिवेणी शाखाले २ जना बिद्यार्थीहरु सामाजिक उत्तरदायित्व कार्यक्रम अन्तर्गत शैक्षिक छात्रवृत्ति प्रदान गरेको छ । शैक्षिक छात्रवृत्ति छनोट समितिको बैठकले गाउँपालिकाका २ जना विद्यार्थिलाई शैक्षिक छात्रवृत्ति प्रदान गर्ने निर्णय गरेको शाखा प्रवन्धक राजु के सीले बताउनु भयो ।
उहाँका अनुसार समितिले सान्नी त्रिवेणी गाउँपालिका वडा नं। ८ निवासी दिपेन्द्र के सी र वडा नं। ६ निवासी प्रशान्त संज्याललाई छात्रवृत्तिका लागि सिफारीस गरेको हो। सानिमा बैंकले माध्यामिक तह कक्षा ११ र १२ अध्ययन गर्नका लागि काठमाडौ उपत्यका वाहेक वाहीर शाखा रहेका स्थानका स्थायी वासिन्दाहरु मध्यवाट प्रतेक दुई दुई जनालाई छात्रवृत्ति प्रदान गर्दै आएको छ ।
एस ई ई परिक्षामा उतिर्ण गर्ने गरिव तथा विपन्न परिवारका विद्यार्थिलाई उच्च शिक्षा पढ्न सहज होस भनेर सानिमा बैंकले यो कार्यक्रम ल्याएको र त्यस अन्तर्गत सान्नी त्रिवेणी शाखा वाट २ जना छनौटमा परेको शाखा प्रवन्धक के सीले बताउनु भयो ।
छात्रवृत्तिको लागि प्रति वर्ष प्रति विद्यार्थि ५० हजार सम्मको हुनेछ । जसमा मासिक खर्चका लागि प्रति महिना २ हजार नगदवृत्ति हुने सानिमा बैंकले जनाएको छ । सानिमा बैंकले छात्रवृत्ति छनौटका लागि एस ई ई को परिक्षाफल प्रकाशित भए लगत्तै सुचना निकाल्ने गर्छ ।
सुचना अनुसार योग्यता पुगेका एस ई ई उतिर्ण विद्यार्थिले फारम भरि वैंकमा बुझाउनु पर्ने हुन्छ । फारम बुझाएपछि छात्रवृति छनौट समितिले गरिव विपन्न परिवारका विद्यार्थि छनौट गरि सिफारीस गर्ने गरेको शाखा प्रमुख के सीको भनाई छ ।
उहाँका अनुसार पैशाको अभावमा एस ई ई पछि पढ्न नपाएका गरिव विपन्न परिवारका विद्यार्थिका लागि ठूलो अवसर रहेको बताउनु भयो । विद्यार्थिले आफुले अध्ययन गर्न चाहेको शैक्षिक संस्था र विषयमा उच्च शिक्षा हासिल गर्नका लागि छात्रवृत्ति पाउने छन ।
तिलाप्रेस । २० भाद्र २०८१, बिहीबार १७:५०