कालीकोट
सुर्खेतबाट कालिकोट आउदै गरेकोे बोलेरो जीप दुर्घटना हुदा ४ जनाको मृत्यु भएको छ । भे १ च २५६० नम्वरको बोलेरो जीप विहिवार विहान ३ः५५ वजे तिर सुर्खेत–दैलेख सडक खण्डको वीरेन्द्रनगर–१४ रातानाङ्गला मोडमा दुर्घटनामा परेको हो । दुर्घटनामा परि ४ जनाको घटना स्थलमै मृत्यु भएको छ मृत्यु हुँनेमा शुभकालीका गाउँपालीका वडा नम्बर ३ का तन्त बिक,नवराज विक, विरेन्द्र विक,रहेका छन भने एक जनाको नाम खुल्न बाँकी रहेको स्थानीय हस्त सुनारले बताउनु भयो ।
त्यस्तै घाईते दुई जनालाई कर्णाली प्रदेश अस्पताल सुर्खेतमा उपचार भइरहेको कर्णाली प्रदेश प्रहरी कार्यालय सुर्खेतका प्रहरी वरिष्ठ उपरीक्षक तथा सुचना अधिकारी बीर बहादुर ओलीले बताउनु भयो । जीप सडकदेखि करिब चार सय मिटर तल खसेको बताइएको छ । अहीले घटना स्थलमा प्रदेश प्रहरी कार्यालय सुर्खेतको टोली खटीएको र केही समय पछी घटनाको थप विवरण आउने सुचना अधिकारी ओलीले जानकारी दिनु भएको छ ।
तिलाप्रेस । १७ जेष्ठ २०८१, बिहीबार ०८:०७