कमल कुमाल कालीकोट
देशका ७७ वटै जिल्लामा साइकल यात्रामा निस्केका साईकल यात्री माधव प्रसाद कुइकेल ३८ औं जिल्ला कालीकोट आईपुगेका छन् । ईन्द्रज्योती गाउँपालिका वडा नम्बर ४ नवलपुर सिन्दुपाल्चोकमा जन्मीएका ५९ वर्षिय कुइकेलले स्वएम आफ्नै गृह जिल्लाबाट यात्रा सुरु गरेसँगै ७१औं दिनमा कालीकोट आईपुगेका हुन्
इन्द्रावतीबाट साइकल यात्रामा निस्केका कुइँकेल जनतालाई निःशुल्क एम्बुलेन्सको माग गरेर देशका ७७ वटै जिल्लामा साइकल यात्रामा निस्केको बताउँछन् । ५९ वर्षीय उनी अहिलेसम्म ३८ औँ जिल्लामा पुगिसकेका छन् ।
देशको भौगोलिक परिस्थितिबारे पनि जानकारी लिनका लागि आफू देशभर साइकल यात्रामा निस्केको उनको भनाइ छ । २०७६ सालमा यात्रा गर्ने परिकल्पना थियो तर बिचमा कोरोनाको महामारीले गर्दा मेरो यात्रा सफल हुँन सकेन ,२०८० साल फागुन ,२६ गते मैले यात्रा सुरु गरे ,तर ७१ ओैं दिनमा म कालीकोट पुग्दा एकदमै खुशी महशुस गरेको बताए ।
कर्णाली र सुदुरपश्चिम प्रदेशका जिल्लाहरुमा यात्रा गरिसकेको र ,बाँकी प्रदेशमा मेरो यात्रा निरन्तर जारी रहने बताउनु भयो । पहिला पहिला यात्रा गर्दा ग्राहो हुन्छकी भन्ने महसुश हुन्थ्यो, तर पार गर्दैजादाँ अझै यात्रा गरौं गरौं जस्तो जोस् जागर उत्तीकै थपिएको कुइकेलको भनाई छ।
तिलाप्रेस । ३ जेष्ठ २०८१, बिहीबार ०५:४१