कालीकोट जिल्लाको शुभकालिका गाउँपालिका वडा नं ५ को खत्याबाडा देखि वडा नं ४ सम्मको रिउँपातल सम्म सडक मर्मतकाे काम सुरु गरिएकाे छ । मंगलबार शुभकालिका गाउँपालिकाकी उपाध्यक्ष धर्मकला शाहीले उक्त सडकको एक कार्यक्रमका बिच शिलान्यास गर्नु भएको हाे । शुभकालिका गाउँपालिका वडा नं ४ र ५ को संयुक्त आयाेजनामा सडकको मर्मतकाे कार्य सुरु गरिएकाे शुभकालिका गाउँपालिका वडा नं ४ का वडा अध्यक्ष प्रदिप प्रशाद चौलागाँईले बताउनु भएको छ।
स्थानीय पूर्वाधार र शुभकालिका गाउँपालिकाको साझेदारीमा सडकको मर्मत गर्न थालिएको हो । सडक साघुरो भएकाले दोहोरो गाडी आवतजावतमा समस्या भएपछि डबल कटिङ गर्न थालिएको बताइएको छ । उक्त कार्यक्रममा शुभकालिका गाउपालिका निमित्त प्रमुख प्रशासकिय अधिकृत गणेश बहादुर शाही वडा नं ५ का वडा अध्यक्ष मिम बहादुर शाही ४ का वडा अध्यक्ष प्रदिप चौलागाँई लगायतका स्थानीय नागरिक हरुको सहभागीतामा सडक मर्मतकाे काम सुरु गरियको हो ।
तिलाप्रेस । ११ बैशाख २०८१, मंगलवार १७:५८