कालिकोट
सान्नी त्रिवेणी गाउँपालिकामा कार्यरत गैसस शाखा प्रमुख मनोज प्रसाद देवकोटाले विपन्न गरिव बालवालिकालाई स्टेश्नरी सहयोग गर्नु भएको छ । शनिवार आफ्नो जन्म दिनको अवसरमा ८ जना विपन्न गरिव बालवालिकालाई कापी कलम सहितका स्टेश्नरी सामाग्री सहयोग गर्नु भएको हो । घरको आर्थिक अवस्था कमजोर भएका र प्रयाप्त मात्रामा कापी कलम किन्न नसक्ने बालवालिकालाई जन्म दिनको अवसर पारेर सहयोग गर्नु भएको हो । होटलमा साथि भाईसँग रमाईलो गरेर फजुल खर्च गर्नुको साटो विपन्न परिवारलाई सहयोग गर्नु भएको हो । उहाँले आफ्नो सानो सहयोगले विद्यार्थिलाई पढ्न सहज हुने भएको हुँदा सहयोग गरेको देवकोटाले बताउनु भयो ।
साथी भाईलाई जम्मा गरे पार्टी गरेर फजुलमा खर्च गर्ने पैशा विपन्न गरिव बालवालिकालाई सहयोग गर्न सकेमा उनिहरुलाई ठूलो राहत हुने बताउनु भयो । समाजमा कतिपय बालवालिका कापी कलम नपाएर पनि विद्यालय जना नसकेको कुरा आफैले देखेको हुँदा त्यस्ता बालवालिकालाई छनौट गरेर जन्म दिनको अवसर पारेर सहयोग गरेको देवकोटाको भनाई छ ।
उहाँले आफुले मात्र नभई अन्य व्यक्तीहरुले पनि यस्ता विभिन्न अवसरमा फजुल खर्च गर्नु भन्दा यस्तै सामाजिक सेवामा खर्च सकेमा गरिव विपन्न परिवारलाई ठूलो राहत हुने बताउनु भयो । गाउँपालिका उपाध्यक्ष पार्वति शिंह संज्याल, वडा नं. ४ का वडा अध्यक्ष देवनाथ योगी, ६ का नहकुल संजयाल विषगत शाखाका प्रमुख संघ संस्थाका प्रतिनिधि शिक्षक लगायतको उपस्थितीमा स्टेश्नरी सामाग्री हस्तान्तरण गरिएको हो ।
तिलाप्रेस । ६ फाल्गुन २०८०, आईतवार ०६:५०