कमल कुमाल कालिकोट
जिल्लाको रास्कोट नगरपालिका वडा नम्बर ४ ले विवाहपूर्व अनिवार्य सिफारिस लिनुपर्ने नियम लगाएको छ । बालविवाह न्यूनीकरणका लागि भन्दै वडाले विवाहपूर्व वडाको सिफारिस लिने निर्णय अनिवार्य गरेको हो। समाजमा ‘बढ्दै गएको बालविवाहलाई मध्यनजर गरी यस वडाले न्यूनीकरणका लागि सम्पूर्ण टोल–बस्तीमा विवाहपूर्व वडाबाट सिफारिस लिई विवाह कार्य अगाडि बढाउन अनुरोध गरेको छ।
विवाहका लागि वडाबाट सिफारिस लिँदा उनीहरूको वास्तविक जन्ममिति थाहा हुने र बालविवाह न्यूनीकरणमा सहयोग पुग्ने अपेक्षा वडाले लिएको वडा अध्यक्ष दिनेस संज्यालले बताउनु भयो ।
बालमैत्री वडाको दिगोपनका लागि विवाहका लागि उमेर पुगेका युवायुवतीले वडा कार्यालयबाट अनिवार्य सिफारिस लिनुपर्ने नियम लागु गरेको बताए । जन्मदर्ता र नागरिकता साथमा ल्याई विवाहका लागि सिफारिस लिन सकिनेछ । यती वडाको नियम उल्लंघन गरि बिबाह गरेमा कानुन बमोजिम कारबाही गरिने समेत संज्यालले बताए।
तिलाप्रेस । ६ फाल्गुन २०८०, आईतवार १५:४६