कालिकोट जिल्लाको सदरमुकाम मान्म बजार क्षेत्रभित्र अवैध रुपमा सञ्चालन भैरहेका औषधी पसलहरु बन्द गरिएको छ। मान्म बजारका अधिकांस औषधी पसल तथा क्लिनिकले मापदण्ड पूरा नगरेको पाइएपछि बन्द गरिएको हो । औषधी बिक्रीवितरण तथा स्वास्थ्य सेवा सञ्चालन सम्बन्धमा बनेका ऐन नियमहरुको पालना नगरी खोलिएकाले औषधी पसल तथा क्लिनिक बन्द गरिएको सहायक प्रमुख जिल्ला अधिकारी सरोज कुमार अधिकारीले बताए ।
बुधवार जिल्ला प्रशासन कार्यालयका सहायक प्रमुख जिल्ला अधिकारीको नेतृत्वमा संयुक्त अनुगमन टोलीले मान्म बजारमा अनुगमन गर्दा बिष्ट मेडिकल हल र कुशुम मेडिकल हलमा फार्मासिट बिनै औषधी बिक्री गरेको भन्दै ताला लगाएको हो । अनुगमनमा डा. सुभनारायण शाहीले अधिकांस मेडिकलमा अस्पताल व्यवस्था विभागद्धारा अनुमती नदिएका औषधी र म्याद सकिएका औषैधी भेटिएको बताउनु भएको छ ।
औषधीको मनोमानी मुल्य र गैर अनुमोदित औषधीका कारण ज्यान जोखिममा हुने डा. शुभनारणले बताए ।जिल्ला प्रशासन कार्यालय, उद्योग वाणिज्य संघ,स्वास्थ्यकर्मी लगायतको संयुक्त टोलीले बिुधबार मान्म बजारमा अनुगमन गरेको थियो ।
तिलाप्रेस । ९ माघ २०८०, मंगलवार १६:४०