बालबिवाह बिरुद्ध जाग्दै किशोर किशोरी

कालिकोट  स्थानिय स्तरमा हुने बालबिवाह बिरुद्ध गाउँका किशोर तथा किशोरी जागेका छन ।सादा नेपालको सहजिकरण र प्लान नेपालको सहयोगमा सदरमुकाम मान्ममा ३ दिने तालिममा सहभागि हुन आएका शान्नि त्रिवेणी गाउँपालिका, नरहरीनाथ गाउँपालिका र रास्कोट नगरपालिका किशोर तथा किशोरीले गाउँमा हुने बाल बिवाह रोकथामा लागिपरेको बताएका छन ।

परियोजना लागु भएदेखी नागरिक समाज किशोर किशोरीको पहलमा पहिलाको भन्दा पछिल्लो समय बाल बिवाह कम हुने गरेको तालिममा सहभागिले बताएका छन ।बालबिवाह,छिटो हुने बिवाह र जवरजस्ती गरिने विवाह रोकथाम परियोजना अन्तरगत “बालबिवाह बिरुद्ध तर्क र मुल्यांकन“ सम्बन्धी नागरिक समाज संजालका पदाधिकारी हरुको लागि ३ दिने तालिममा सादा नेपालका कार्यकारी निर्देशक अशोक नाथ योगीको अध्यक्षतामा र अन्य अतिथिहरुको उपस्थिति मा उद्घाटन गरिएको थियो ।अनलाईन न्युज खबरबाट सभार