हिमपात र वर्षा नहुँदा किसान चिन्तित 

कमल कुमाल कालिकोट 
यस वर्षको हिउँदयाममा हिमपात र वर्षा नहुँदा किसान चिन्तित भएका छन् भने ,हिउँदेबाली खेतबारीमै सुक्न थालेका छन् । अघिल्लो वर्ष माघ पहिलो सातासम्म दुई पटक हिमपात भएको भए पनि यस वर्ष भने हिमपात र वर्षा भएको छैन । हिमपात र वर्षा नहुँदा कालिकोटका अधिकाँस ठाउँमा हिउँदेबाली खेतबारीमै सुक्न थालेको छन् ।

वर्षा र हिमपात नभएपछि सिँचाइको अभावले गहुँ, जौँ लगायतका हिउँदे बालीमा उत्पादन हुने खेती खेतबारीमै सुक्न थालेको स्थानीयले बताएका छन्।.यो समयमा गत वर्ष दुर्ई पटकसम्म हिमपात भएको थियो, तर अहिले माघ पहिलो साता सम्म पनी हिमपात भएको छैन। यस वर्ष कालिकोटमा धानको फल लाग्ने बेलामा भएको भारी वर्षाको कारण धान उत्पादन घटेको अवस्थामा हिउँदेबाली समेत खेतमै सुक्न थालेपछि कृषक समस्यामा परेका छन् ।

हिमपातले हिउँदेबालीमा सिँचाइ हुने भए पनि सिँचाइको अभाव हुने र ढिला हिमपात हुँदा अन्नबालीको उब्जनी घट्ने भएकाले समयमै हिमपातको महत्व रहेको कृषकहरुको भनाइ छ ।समयमै हिउँ नपर्दा पानीका मुल सुक्ने, असिना पर्ने र त्यसले बालीनालीमा क्षति पु¥याउने भएकाले यहाँका कृषकहरु हिमपातको प्रतीक्षामा छन् ।