कालिकोट, सरकारले यस वर्षको राष्ट्रिय भिटामिन ‘ए’ कार्यक्रम अन्तर्गत स्वास्थ्य सेवा कार्यालय कालिकोटले पनी यही कात्तिक १७ र १८ गते जिल्लाका ९ वटै स्थानीय तहका ८२ वटै वडाहरुमा महिला स्वास्थ्य स्वयं सेविकाहरुद्धारा बालबालिकाहरुलाई भिटामिन ए क्याप्सुल र जुकाको औषधि खुवाउन कार्यक्रम संचालन हुने बताइएको छ ।
स्वास्थ्य सेवा कार्यालय कालिकोटका प्रमुख डा. संकेत विश्वकर्माका अनुसार दुई दिने अभियानमा ६ देखि ५९ महिनाका बालबालिकाहरुलाई भिटामिन ‘ए’ क्याप्सुल र १२ देखि ५९ महिनाका करिब १८४७७ बालबालिकाहरुलाई भिटामिन ‘ए’ क्याप्सुल र जुकाको औषधी खुवाउने कार्यक्रम रहेको बताउनु भएको छ ।
त्यस्तै जनस्वास्थ्य अधिकृत कटक बहादुर महतका अनुसार यस वर्ष दशैं परेका कारण पहिलो चरणको कार्यक्रम कात्तिक १७ र १८ गते तय गरे संगै आफ्नो घर नजिकको खोप केन्द्रमा लगेर बालबालिकाहरुलाई भिटामिन ‘ए’ र जुकाको औषधि खुवाउन समेत आग्रह गर्नुभएको छ । बालबालिकाहरुको पोषण अवस्थाको लेखाजोखा गर्नुका साथै १५ महिनाको उमेरमा लगाईने दादुरा रुबेलाको दोस्रो मात्रा लगाए नलगाएको पहिचान समेत गरिने भएको छ । बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरण गर्नका लागि यो कार्यक्रम एकदमै प्रभाककारी रहेको समेत बताउनु भएको छ ।
तिलाप्रेस । १७ कार्तिक २०८०, शुक्रबार ०८:३५