कालीकोट जिल्लाको खाँडाचक्र नगरपालिका–२ को नयाँ बजारमा हाइस दुर्घटना हुँदा ३ जना घाइते भएका छन् ।कर्णाली राजमार्ग अन्तर्गत पर्ने कालीकोटको खाँडाचक्र नगरपालिका वडा नम्बर–२ मा शनिबार दिउँसो अन्दाजी २ बजेर ५० मिनेटमा हाइस दुर्घटना भएको हो । कर्णाली प्रदेश ०२–००१ ख ०७२१ नम्बरको हाइस जुम्लादेखि सुर्खेतसम्मका लागि छुटेको थियो ।
दुर्घटनामा दुई जना सामान्य घाइते भएका छन् भने एक जनाको अवस्था गम्भीर रहेको जिल्ला प्रहरी कार्यालय कालीकोटका प्रमुख अर्जुन केसीले जानकारी दिए ।घाइते हुनेमा दैलेख जिल्ला दुल्लु नगरपालिका–३ का वर्ष २५ का तिलक थापा, दैलेख जिल्ला भैरवी गाउँपालिका–४ का २३ वर्षीय खगेन्द्र थापा रहेका छन् ।
गम्भीर घाइते हुनेमा अन्दाजी १३ वर्षका मिस्कल शाही रहेका छन् । उनलाई कर्णाली प्रदेशको प्रादेशिक अस्पताल कालागाँउमा रिफर गरिएको छ । अन्यको अवस्था सामान्य रहेको प्रहरी निरीक्षक तथा सूचना अधिकारी पोषण थापाले बताए । अन्य यात्रुहरू सकुशल रहेको जिल्ला प्रहरी कार्यालय कालीकोटले जनाएको छ ।
तिलाप्रेस । १८ कार्तिक २०८०, शनिबार २१:२१