कालिकोट जिल्ला खाँडाचक्र नगरपालिका वडा नं ३ स्थित श्री तिला कर्णाली बहुमुखी क्याम्पस नजिकै सडकको मोडमा वाल लगाउने क्रममा माथिवाट खसेको माटोको ढिस्कोले पुरिएर गम्भीर घाइते भई अस्पताल पुगाईका एक जनाको उपचारको क्रममा मृत्यु भएको जिल्ला प्रहरी कार्यालय कालिकोटका सुचना अधिकारी प्रहरी निरिक्षक पोषण थापाले जानकारी दिएका छन ।थापा अनुसार अर्का एक जना गम्भीर घाईते भएका छन् ।
मृत्यु हुनेमा दैलेख जिल्ला महावु गाउँपालिका वडा नं ६ निवासी वर्ष १८ का बिनोद दर्लामी मगर रहेका छन् भने घाईते हुनेमा सुर्खेत जिल्ला चौकुने गाउँपालिका वडा नं ६ गुटु निवासी वर्ष ४५ का लिल बहादुर गुरुङ्ग रहेका छन् । घाईते भएका गुरुङ्गको खुट्टा र ढाडमा गम्भीर चोट लागेको हुदा उपचारका लागि जिल्ला अस्पताल कालिकोटमा उपचार भईरहेको छ भने मृतक लाई पनी पोष्टमार्टमको लागी सोही अस्पताल राखीएको छ । उनिहरु दुबै जना मजदुरीको लागी कालिकोट आएका थिए । सागर निमार्ण सेवाले जिम्मा लिएको कर्णाली राजमार्ग अन्तर्गत ताडी देखि तिला कर्णाली बहुमुखी क्याम्पस सम्मको सडक खन्ने काम भईरहेको छ ।
सोही ठाँउमा उनिहरुले काम गरी रहेका वेला माथीबाट खसेको माटोको ढिस्कोले पुरीएर बिहिवार दिउसो ४ः३० बजे उक्त घटना घटेको सुचना अधिकारी प्रहरी निरिक्षक थापाले जनाएका छन
तिलाप्रेस । १६ कार्तिक २०८०, बिहीबार २१:५५