कालिकोटमा पनी लाखे जात्रा सुरु

कमल कुमाल कालिकोट

श्री कृष्ण जन्म अष्ठमीको अबसरमा कालिकोट जिल्लामा पनी लाखे जात्रा शुक्रबारबाट औपचारिक रुपमा सुरु भएको छ । सदाको बर्ष झै यो बर्ष पनि श्रि कृष्ण जन्मअष्टमी को अबसरमा सारथी फाउन्डेसन द्वारा संचालन लाखेजात्रा सुरु गरिएको सारथी फाउन्डेसनका सचीव सुनिल शाहीले जानकारी दिनुभएको छ ।

कालिकोट जिल्लामा हरेक वर्ष मनाइने लाखे जात्रा अन्तर्गत धार्मिक, सांस्कृतिक तथा ऐतिहासिक महत्व बोकेको जात्रा लाई टोलटोलमा घुमेर लाखे नाच देखाउने गरेको समेत सचिव शाहीले बताए । लयवद्ध तरिकाले वाचन गरिने रामायण र जीवन सुन्दा धेरैको मन रुन्छ । मान्म बजारमा मनाइने लाखे जात्राको मुख्य आकर्षण मुकुण्डोधारी लाखे नाच्छन् ,ढोल, झ्याम्टाको तालमा जातीय संस्कृति र परम्पराको नक्कल गर्दै मुकुण्डोधारी लाखे नाचसहित सहभागी सबैले नाच्ने र रमाइलो गर्ने गर्छन् ।यो लाखे जात्रामा घरपरिवार तथा आफन्तजन जमघट हुने र दुःखसुखका कुरा आदान प्रदान समेत गर्ने गर्छन् ।
आफन्तजन, इष्टमित्र, साथीभाइलगायत भेला भएर मिष्ठान्न भोजन गर्ने तथा आपसमा रमाइलो गर्ने गर्छन् । श्रीकृष्ण जन्माष्टमीको दिन कृष्ण जात्रा गरेपछि कृष्णले राक्षस, भूत–प्रेत आदि मारेकोले लाखे ख्याली, आदि भूत–पिचास, नागको भय हुँदैन भन्ने जनविश्वास छ । औपचारिक रुपमा सुरु गरेर विशेष तरिकाले मनाइने लाखे जात्रा कृष्णाष्टमीको भोलिपल्ट नदीमा गएर विधिवत् रुपमा समापन गर्ने चलन रहिआएको छ ।