खोलाले बगाउदा बेपत्ता भएका सहकारीको तिन दिन पछि शव फेला

कालिकोट विहिवार खोलाले बगाउदा बेपत्ता भएका सहकारीको शव तिन दिन पछि शनिवार फेला परेको छ । कालीकोट जिल्लाको नरहरिनाथ गाउँपालिका वडा नंः ५ का धनबहादुर सहकारीलाई विहिवार खोलाले बगाएको थियो । वडा नंः ४ का अध्यक्ष नन्दराम सहकारीले घरमा ल्याएको खसि पुगाउन खातिरुप्सा भन्ने स्थान गइ फर्किदा खोला तर्ने बेला जात्तताडा खोलाले बगाइ बेपत्ता भएको सहकारीको आज शव फेला परेको बताउनु भयो ।

शुक्रबारदेखि इलाका प्रहरी कार्यालय कुमालगाँउ,नगर प्रहरी र स्थानियको लगातार खाजि कार्य पछि आज करिव चार किलोमिटर तल डोभिटामा सव फेला परेको शिक्षक टेकबहादुर बिश्वकर्माले जानकारी दिनु भयो ।

उनका अनुसार शरीरको आधा कपडा मात्र रहेको अवस्थामा शव खोला किनारमा फेला परेको हो । नरहरीनाथ गाउँपालीका अध्यक्ष नगेन्द्र विष्टले बर्खाको बेला खोला तर्दा होस् या अन्य कुनै काममा जाँदा होस् सवैले सचेत हुनपर्ने बताउनु भयो ।