कालीकोट जिल्लामा पहिलो पटक कबड्डी प्रतियोगितामा पलाँता गाउँपालिका प्रथम भएको छ भने खाँडाचक्र नगरपालिका द्धितिय भएको छ । शुक्रबार एक कार्यक्रमका बीच उद्घाटन भएको खेल आईतबार सम्पन्न भएको हो । कालीकोट जिल्लाका ९ वटै स्थानीय तहका खेलाडीहरुको उपस्थितीमा पुरुषतर्फ ५ टिम र महिला तर्फ ३ टिमको सहभागीता रहेको थियो ,।
उक्त खेलमा कबड्डी संघ नेपालका राष्ट्रिय खेलाडी जगदिश बिष्टले आफ्नो गृह जिल्लामा पहिलो पटक खेल शुरु गर्न धेरै चुनौती रहेता पनि जिल्लामै पहिलो पटक खेलखेलाउन सफल भएकोे बताउनु भएको छ ।राष्ट्रिय खेलाडी बिष्टले कबड्डि राष्ट्रिय खेल भएतापनि अन्य खेलहरुमा चासो देखाउने र कबड्डीमा चासो कम देखाउने भएकाले कबड्डी खेलका नयाँ खेलाडी उत्पादन गरि राष्ट्रिय स्तरका खेलमा सहभागी गराउने खेलको लक्ष्य रहेको बताउनु भयो ।

प्रतियोगिता सम्पन्न गराउनका लागि सहयोग गर्ने सम्पूर्ण गाउँपालिका तथा नगरपालिका, अन्य सहयोगी संस्था र व्यक्तिलाई बिष्टले धन्यवाद समेत दिनु भयो । पहिलो पटक सञ्चालन भएको कबड्डि खेलमा २५ वर्ष मुनिका महिला तथा पुरूषले भाग लिएका थिय । प्रतियोगितामा प्रथमलाई ७० हजार र दोस्रोलाई ४० हजार, नगद सहित कप मेडल प्रमाण पत्र समेत प्रदान गरिएको थियो ।
तिलाप्रेस । १७ असार २०८०, आईतवार १८:२२