कालिकोट बालबालिका विरुद्ध हुने हिँसा र बाल विवाहका सवाल सम्बन्धी बाल कचहरी कार्यक्रम सम्पन्न भएको छ । तिलागुफा नगरपालिका स्तरीय बाल संजालका अध्यक्ष बिनोद शाहीको अध्यक्षता र नगर प्रमुख शंकरप्रसाद उपाध्याय को प्रमुख आतिथ्यता,नगर उपप्रमुख महेन्द्र बहादुर शाहीको विशेष आतिथ्यतामा बाल कचहरी कार्यक्रम सम्पन्न भएको हो ।
शुभकालिका गाउँपालिका
पचालझरना गाउँपालिका
बाल कचहरीमा बालबालिका विरुद्ध हुने हिँसा र बाल विवाह हुनुका कारण, रोकथामका उपाय, सरोकारवाला निकायको जिम्मेवारी र बालबालिका स्वयम्को भूमिकाबारे खुला छलफल गर्न कार्यक्रम संचालन गरिएकोे थियो । स्थानीय तह विभिन्न गैरसरकारी संस्थासँग मिलेर जनचेतना मुलक कार्यक्रमहरु गरिरहेपनि बाल विबाहमा केही कमी भएता पनी अझौ पनि हाम्रो समाजमा बालविवाह भैरहेका छन ।यसका लागी बालबालिका विरुद्ध हुने हिँसा र बालविवाह न्युनिकरण गर्नकालागी बाल कचहरी सुरु गरिएको नगर प्रमुख शंकर प्रसाद उपाध्यायले जानकारी दिनु भयो ।
कानुनी रुपमै अपराधका रुपमा रहेको बाल विवाहलाई अन्त्यका लागि गाउँ तहबाटै अभ्यास थालनी गरिएको नगरपालिकाका उप प्रमुख महेन्द्र बहादुर शाहीले जानकारी दिए। सेभ द चिल्डेन किर्डाक नेपालको आर्थिक सहयोग,तिलागुफा नगरपालिकाको सहकार्यमा बालबालिका विरुद्ध हुने हिँसा र बालविवाह न्युनिकरण सम्बन्धी बालकचही कार्यक्रम सम्पन्न भएको हो । उक्त कार्यक्रममा नगरपालिकाका भित्र रहेका सम्पुर्ण वडाका बालबालिका, नगर कार्यपालिका सदस्य, वडाअध्यक्ष लगायतका स्थानीय तहका जनप्रतिनिधि, सरोकारवला निकायको उपस्थिति थियो।
तिलाप्रेस । १६ असार २०८०, शनिबार १९:२२