प्रथम कर्ण स्मृति ७–ए साइड फुटबल प्रतियोगिताको उपाधी लालीगुराँस F.C क्लवलाई

रास्कोट नगरपालिका–२ खड्का टोलस्थित कैलाश माई टोल विकास युवा क्लबद्वारा आयोजित प्रथम कर्ण स्मृति ७–ए साइड खुल्ला फुटबल प्रतियोगिता असोज ११ गतेदेखि १३ गतेसम्म भव्यताका साथ सम्पन्न भएको छ ।
प्रतियोगितामा विभिन्न स्थानका टोल तथा टिमहरूको उत्साहपूर्ण सहभागिता रहेको थियो । फाइनल खेलमा लालीगुराँस F.C विजयी हुँदै प्रथम स्थान हासिल गर्न सफल भयो भने रोयल कोटिला F.C उपविजेता बनेको क्लबका अध्यक्ष तपेन्द्र खड्काले जानकारी दिनुभयो ।

आयोजक समितिका अनुसार खेलकुदमार्फत युवाहरूमा अनुशासन, सद्भाव र एकताको सन्देश फैलाउने उद्देश्यले प्रतियोगिता गरिएको आयोजक टिमले जनाएको छ । खेलप्रेमी दर्शकहरूको उल्लेखनीय उपस्थितिले कार्यक्रमलाई थप आकर्षक बनाएको र प्रतियोगीता सफतापूर्वक सम्पन्न भएको समेत बताएको छ ।