रास्कोटमा दोस्रो नगर प्रहरी दिवस भव्य रूपमा सम्पन्न

कालिकोट जिल्लाको रास्कोट नगरपालिकामा मंगलबार दोस्रो नगर प्रहरी दिवस भव्य र सभ्य रूपमा सम्पन्न भएको छ। “हामी बनाउँछौं हाम्रो नगर” भन्ने नारासहित आयोजित कार्यक्रममा नगर प्रहरी हवल्दार धनबहादुर शाहीको अध्यक्षता तथा नगर प्रमुख धर्मराज शाही पोषणको प्रमुख आतिथ्यता रहेको थियो।

कार्यक्रममा नगर उपप्रमुख मनिराज बराल, नेपाली कांग्रेसका नगर सभापति आनन्द्र बहादुर शाही, नेकपा एमाले नगर कमिटी अध्यक्ष कालि बहादुर शाही, माओवादी केन्द्रका यूवा नेता जगत बहादुर शाही, नगर कमिटी अध्यक्ष पदम खड्का,सम्पूर्ण वडाका वडा अध्यक्ष , विभिन्न शाखाका प्रमुख, प्रतिनिधि तथा राजनीतिक दलका नेता तथा कार्यकर्ताहरूको उपस्थिति रहेको थियो।

नगरपालिकाले स्थानीय सुरक्षाको सुदृढीकरणमा नगर प्रहरीको भूमिकालाई महत्त्व दिँदै दिवस मनाएको हो।