कालिकोट उद्यमशित संस्कृति , राष्ट्रियको समृद्धि भने मुल नाराका साथ १० औं उद्योग दिवस जिल्लाको पचालझरना गाउँपालीकामा विभिन्न कार्यक्रम गरि मनाइएको छ ।
पचालझरना गाउँपालीका प्रमुख प्रशासकिय अधिकृत जनक शर्माको सभा अध्यक्षता, गाउँपालिका अध्यक्ष देवराज शाहीको प्रमुख आतिथ्यतामा १० औं उद्योग दिवश मनाएको उद्योग विकास शाखा कार्यालय पचालझरनाले जानकारी दिएको छ ।
पचालझरना गाउँपालीकाको आर्थिक सहयोग तथा पचालझरना गाउँपालीका उद्योग विकास शाखाको आयोजना संचालन गरिएको १० औं उद्योग दिवस–२०८१ को अवसरमा एक जना उद्यमी दुर्गा कठायतलाई सम्मान समेत गरिएको छ ।
कार्यक्रममा बोल्दै प्रमुख प्रशासकिय अधिकृत शर्माले आवश्यकता र सम्भावनामा आधारित भएर सिपमुलक तालिम सञ्चालन गर्न र आफ्नो क्षमता र अवस्था अनुसारको लक्ष्य राखेर पेशा, व्यवसायलाई निरन्तरता दिन आग्राह समेत गर्नुभएको छ ।
सिपमुलक तालिम सञ्चालन र उद्यमशीलतामा जोड दिनुका साथै सिपमुलक तालिम बाट आत्मा निर्भर बनेमात्र समस्या समाधान हुँने पालिका अध्यक्ष शाहीले बताउनु भएको छ ।
तिलाप्रेस । ९ मंसिर २०८१, आईतवार २०:०४