घरदैलोमै पुगेर सामाजिक सुरक्षा भर्ता वितरण 

कालीकोट घरदैलोमै पुगेर सामाजिक सुरक्षा भर्ता वितरण गरिएको छ । जिल्लाको रास्कोट नगरपालीकाले घरदैलोमै पुगेर सामाजिक सुरक्षा भर्ता वितरण गरेका हो । आउँदै गरेको विजया दशमी शुभ दिपावली तथा छठ पर्वको अवसरमा नगरपालीकाले घर आँगनमै पुगेर सामाजिक सुरक्षा भत्ता वितरण गरेको हो ।

नगरपालीकाको पञ्जिकरण शाखा र राष्ट्रिय बाणिज्य बैङ्कसँगको समन्वयमा आज वडा नम्बर एक का ४६ जना , दुईका ४३ जना तिनका ३७ जना र वडा नम्बर ४ का २३ जना गरि जम्मा १४९ जना ज्येष्ठ नागरिक तथा अपाङ्ग भएका व्यक्तिलाई घरदैलोमै पुगेर सामाजिक सुरक्षा भत्ता वितरण गरिएको पञ्जिकरण शाखा प्रमुख हुकुम शाहीले जानकारी दिनु भयो ।

उहाँका अनुसार सामाजिक सुरक्षा पाउने लाभग्राहीलाई आउँदै गरेको विजया दशमी शुभ दिपावली तथा छठ पर्वको समयमा समस्या नहोस् भनेर घरदैलोमै पुगेर भत्ता वितरण गरिएको उहाँको भनाई रहेको छ ।