कालीकोट जिल्लाको शुभकालिका गाउँपालिका वडा नं ५ मा बुधबार एका कार्यक्रम बिच अपाङ्गता भएका बालबालिकाहरूको लागि शिबिर संचालन गरिएको थियो । जस्मा अपाङ्गता भएका ७० जना बालबालिकाहरूले सेवा लिएका छन् ।
शुभकालिका गाउँपालिका स्वास्थ्य शाखाको आयोजना सेभ द चिल्ड्रेनको समन्वय कर्णाली स्वास्थ्या विज्ञान प्रतिष्ठानको प्राविधिक सहयोग, भिडीसेफ नेपाल कालीकोट द्धारा संचालित सहयात्रा–तेश्रो परीयोजना अन्तर्गत बाल अधिकार सुशासन, बाल संरक्षण, शिक्षा, स्वास्थ्य तथा जलवायु परीवर्तन सम्बन्धि कार्यक्रम अन्तरगत अपाङ्गता भएका १८ वर्ष मुनिका बालबालिकाहरूको लागि शिबिर संञ्चालन गरिएको थियो ।
शुभकालिका गाउँपालिका वडा नं ४, ५ , ६ का अपाङ्गता भएका बालबालिका हरुका लागी सिबिर संञ्चालन गरेको शुभकालिका गाउँपालिका स्वास्थ्य शाखा प्रमुख गणेश बहादुर शाहीले बताए । जस्मा अपंगता भएका बालबालिका ७० जना स्थानिय नागरीक ८१ जना लाई स्वास्थ्य सेवा दिएको शुभकालिका गाउँपालिका बालकल्याण अधिकारी रन्जीता वलीले बताउनु भयो । खासगरी यस्तै खालका कार्यक्रम हरु आगामी दिनमा निरन्तर सञ्चालन गर्न जरुरी रहेको अपंगता भएका बालबालिका हरुले गुनासो गरेका थिए ।
उक्त सिबिरमा अपंगता भएका बालबालिका , स्थानिय नागरीक, वृद्ध लगाएतका नागरीक हरुको सहभागीता रहेको थियो । भोली शुभकालिका गाउँपालिका वडा नं १,२,र ३ को लागी वडा नं २ को कार्यालयमा कर्णाली स्वास्थ्या विज्ञान प्रतिष्ठान जुम्लाका डक्टर हरु द्धारा चेक जाँच गरीने शुभकालिका गाउँपालिका बाल बालिका शाखा प्रमुख अमृता अधिकारीले बताउनु भएको छ ।
कार्यक्रमा शुभकालिका गाउँपालिका स्वास्थ्य शाखा प्रमुख गणेश बहादुर शाहीको सभा अध्यक्षता, वडा नं ५ का वडा अध्यक्ष मिम बहादुर शाहीको प्रमुख अतिथ्यता, कर्णाली स्वास्थ्या विज्ञान प्रतिष्ठानका डाक्टर अरुण उप्रेती, बालबालिका शाखा प्रमुख अमृता अधिकारी, बालकल्याण अधिकारी रन्जीता वली, भिडिसेफ नेपालका कार्यालय व्यावस्थापक राजेन्द्र सहकारीको विशेष आतिथ्यतामा कार्यक्रम सम्पन्न गरीएको थियो ।
कार्यक्रममा बोल्दै आगामी दिनमा गाउँपालिका बाट यस्ता खालका स्वास्थ्य सम्बन्धि कार्यक्रम निरन्तर सञ्चालन गर्ने शुभकालिका गाउँपालिका स्वास्थ्य शाखा प्रमुख गणेश बहादुर शाहीले बताउनु भएको छ ।
तिलाप्रेस । ९ आश्विन २०८१, बुधबार १९:०५