जुम्ला जिल्लाको सिंजा गाउँपालिकालाई पोषण मैत्री पालिका बनाउन पोषण प्रवर्द्धनका कार्यक्रमहरु भइरहेका छन्। सिंजा गाउँपालिकाको सहकार्य र साझेदारीमा प्लान इन्टरनेशनल नेपाल र पेस नेपाल द्धारा संचालित सशक्त बालिका परियोजनाको द्धारा पालिकाको सबै वडामा कार्यक्रम भईरहेका छन् । सुनौलो हजार दिनका बालबालिका लक्षित गरि संचालन गरिएका कार्यक्रममा पोषण प्रर्दशनी,पोषण संन्देशमुलक देउडा,समुदायमा पोषिलो जाउलो बनाउने र बच्चालाई निरन्तर सेवन गराउने बिधि सम्वन्धी कार्यक्रम भइरहेका छन् । यस क्रममा सिंजा गाउँपालिकाका ६ वटै वडाका ६५ टोलका स्वास्थ्य आमा समुहहरुमा यो कार्यक्रम संचालन भएको छ ।
अभियानरुपमा गरिएको यस कार्यक्रमले सिंजा गाउँपालिकाको स्थानीय स्तरमा उत्पादन हुने खानाका परिकारहरुको मिश्रण द्धारा दैनिक प्रत्येक घरघरमा पुर्ण पोषण युक्त खाना बनाउने र निरन्तर सेवन गर्ने आनिबानिको विकास गरि कुपोषण मुक्त गाउँपालिका बनाउने उदेश्यले यी कार्यक्रम संचालन गरिएका हुन् ।
समुदायका स्वास्थ्य आमा समुहमा “हरेक बार खाना चार” अन्तर्गतका खानेकुरा बनाउने विधिहरु सिकाउदै प्रारम्भिक बाल विकासका लागी पोषण, खानेपानी सरसफाई स्वच्छता र विपद जोखिम न्युनिकरणको अपरिहार्यता बिषयमा संन्देशमुलक शिक्षा सत्र निरन्तर संचालन भइरहेका छन्। पोषिलो जाउलो(पौष्टिक आहार) बनाउने अभ्यासमा सहभागीहरुले आफ्नो घरमा जाउलो बनाउन सुरु गरि आफ्ना बालबच्चालाई खुवाउन थालेपछि बच्चाहरुको खानाखाने रुचीमा विकास भएको छ ।
मिठो पोषिलो जाउलो बनाउने सिप सिकेर घरमा बनाइ आफ्ना बच्चालाई खुवाउन सुरु गरेका १६२५ जना बच्चाका अभिभावकको स्थलगत अध्ययन आधाभुत प्रतिवेदन अनुसार बच्चाहरुको खानाखाने रुचिमा उल्लेखनीय विकास भएको देखिएको छ । खाना खान मन नगर्ने र उमेर अनुसार कम तौल भएका ४१ जना बालबालिकाले निरन्तर जाउलो खान सुरु गरेका छन् ।
समुदायका स्वास्थ्य आमा समुहमा पोषण सम्वन्धी शिक्षा सत्रमा सहभागी सिंजा गाउँपालिका स्वास्थ्य संयोजक ललितजंग रोकायाले भन्नुभयो गाउँमा पाहिने खानाहरु चिनो,कागुनो,कोदो,जौँ,मकै,फर्सी,सागपात,फलफुल,तथा पसु र बनस्पती जन्य चिजलाई पोषण खानाको परिकार बनाउन जरुरि छ । यस्ता खानाहरुको मात्रा र परिकार मिलाउन नजान्ने र जानेपनि बनाउने बानी नभएकाले बच्चाहरु कुपोषित भएका छन्,अब यो समस्या समाधान गर्न अभिभावकलाई अभ्यास गराउन गरिएको कार्यक्रममा सहभागीहरुले व्यवहारमा लागु गर्नुपर्नेमा जोड दिनु भयो ।
रोकायाले भन्नुभयो पेस नेपालले सहयोग गर्ने यस कार्यक्रममा गाउँपालिकाको पनि सहकार्य रहेकाले अव छिटै हामी सबै मिलेर पोषण मैत्री गाउँपालिका बनाउने छौ ।सिजा गाउँपालिका २ नं. वडा बिष्टवाडाकी सारदा तिरुवा म मेरो छोरालाई राटी र तरकारी खुवाउथे खान मान्दैन थियो । मलाई रोटि खुवाउन सारै दुख हन्थयो र छोरा दुब्लो पनि थियो रोहिरहन्थ्यो र मलाई हेरचाह गर्न समस्या थियो । पेस नेपालले मलाई पोषिलो जाउलो बनाउन सिकाएपछि मैले घरमा बनाए, बाबुलाई खुवाउन सुरु गरे देखि जाउलो खान्छ र सुत्छ, अजभोली जाउलो धेरै खान थालेको छ । रुदैन मलाई बाबु हेर्नु सुख भएको छ ।
पेस नेपालले प्लान इन्टरनेशनल नेपालको साझेदारीमा जुम्ला जिल्लाको सिंजा गाउँपालिका ,हिमा गाउँपालिका र कनकासुन्दरी गाउँपालिकाको सहकार्यमा बिभिन्न परियोजना संचालन गरिरहेको छ । प्लान इन्टरनेशनल नेपाल,कारीतास जर्मन र कारीतास नेपाल तथा अन्य दातृ निकाय संगको साझेदारीमा शिक्षा,स्वास्थ्य,खानेपानी सरसफाई स्वच्छता, प्रारम्भिक बाल विकास,संरक्षण,बिपद जोखिम न्युनिकरण, जलवायु परिवर्तन अनुकुलन,पुर्वाधार विकास,एकिकृत खाद्य सुरक्षा र परम्परागत हानिकारक अभ्यास न्युनिकरण जस्ता क्षेत्रमा काम गर्दै आईरहेको शंकर प्रसाद भट्टराईले बताउनु भयो ।
तिलाप्रेस । २१ बैशाख २०८१, शुक्रबार २१:४४