कालीकोट
कालीकोट माछामार्ने क्रममा तिलानदिमा डुबेर एकजना बालक बेपत्ता परेका छन् । जिल्लाको तिलागुफा नगरपालीका ६ गाल्जे स्थित तिलानदीमा माछामार्न गएका अन्दाजी १५ वर्षीय गणेश शाही नदीमा बेपत्ता भएका हुन्।
उनीसँगै माछामार्न गएका साथीका अनुसार ढुंगामा चिप्लिएर गणेश बेपत्ता भएका हुन्। खुट्टा चिप्लिएको ठाउँदेखि तलसम्म आफूलाई बचाउन गुहार गरिरहेका थिए। तर दुखको कुरा उनलाई उद्धार गर्न नसकिने अवस्था रहेको साथीहरुको भनाई छ ।
प्रहरी चौकी गाल्जेका प्रहरी जवान गगन रावतका अनुसार अहिले उनको खोजी भइरहेको छ। नदीमा प्रहरी चौकी खल्ला र गाल्जेको टोलीसहित स्थानीयले बालकको खोजी गरिरहेका छन्।
तिलाप्रेस । ९ चैत्र २०८०, शुक्रबार २१:५०