सरकारी तथा सार्वजनिक अतिक्रमित जग्गा खोज्दै प्रशासन 

कालिकोट , जिल्ला प्रशासन कार्यालय कालिकोटले अतिक्रमण भएका जमिनको खोजी कार्य सुरु गरेको छ । जिल्ला प्रशासन कार्यालयले सार्वजनिक सूचना जारी गर्दै सरकारी वा सार्वजनिक जनिम अतिक्रमण गरेर भोगचलन गरिएको जमिनको खोजी कार्य सुरु गरेको हो ।

सार्वजनिक सूचना मार्फत आह्वान गर्दै अतिक्रमित जमिनको सूचना सहित प्रमाण पेश गर्न भनिएको छ । व्यक्तिको नाममा रहेको नीजि हक लाग्ने बाहेक सार्वजनिक वा सरकारी जग्गा कानुन विपरित कसैले भोगचलन गरेको वा हड्प गरी निजीकरण गरेको भए सोको वितरण जिल्ला प्रशासन कार्यालय बुझाउन सार्वजनिक सूचना मार्फत आह्वान गरेको हो ।

प्रमुख जिल्ला अधिकारी गणेश नेपालीले जारी गरेको सूचनामा सार्वजनिक वा सरकारी जग्गाको दुरुपयोग गरि निजीकरण गरेको, विक्री वितरण गरेको, धितो वा बन्धक राखेको भए जानकारी गराउन भनिएको छ । सरकारी वा सार्वजनिक जमिन त्यस्तो गरेको पाईएमा एकसाताभित्र जिल्ला प्रशासन कार्यलयमा जानकारी गराउन सुचनामा उल्लेख गरिएको छ ।