कमल कुमाल कालिकोट
हामी बनाउछौं हाम्रो नगर भन्ने मूलनाराका साथ आज विभिन्न कार्यक्रम गरि प्रथम नगर प्रहरी दिवस मनाइयोको छ । रास्कोट नगर सरकारको एकल अधिकार प्रयोग गर्दै ऐतिहासिक कार्य कर्णाली प्रदेशको पहिलो नगर प्रहरी गठनको एक वर्ष अर्थात ,प्रथम नगर प्रहरी दिवस, प्रहरीले गरेका प्रगति प्रतिवेदन सहित भव्यताका साथ सम्पन्न भएको हो ।नेपाल प्रहरीलाई शान्ति सुरक्षा र अपराध अनुसन्धानमा सहयोग पु¥याउने र समग्र नगरबासीको हकहितका लागी कामगर्न नगर प्रहरी कार्यालय रास्कोटले जानकारी दिएको छ । उक्त कार्यक्रममा रास्कोट नगरपालिका प्रमुख धर्मराज शाही,(पोषण) प्रमुख प्रशासकीय अधिकृत जवानसिंह बम , विभिन्न शाखाका कार्यालय प्रमुख ,जनप्रतिनीधी ,पत्रकार लगायतका कर्मचारीहरुको उपस्थिती रहेको थियो ।
उक्र दिवसमा बोल्दै नगर प्रमुख धर्मराज शाही (पोषण)ले नगर प्रहरी दिवस यसरी नगर प्रहरीको मात्र नभएर नागरिकको पनि प्रिय दिवस बन्न सकोस् र एक्काइसौं शताब्दीका सचेत नागरिकको अपेक्षा पूरा गर्ने खालका जनशक्ति उत्पादन र प्रविधिको विकासमा नयाँ उर्जा थपोस्। केवल परम्परालाई मात्र पछ्याउने मनोवृत्ति हटोस् भन्ने शुभेच्छाका साथ नगर प्रहरी दिवसको अवसरमा सफलताको शुभकमना समेत व्यक्त गनुभएको छ ।
नागरिहरुलाई अप्ठ्यारो पर्दा नजिक रहेका सवारी धनीहरुको सहयोगमा आपतकालीन सहयोग गर्ने जसता मानवीय कार्य गर्ने, पूर्व प्रहरीहरुसँग सहकार्य गर्ने, सञ्चार माध्यमहरुसँग राम्रो सम्बन्ध राख्ने सूचना सम्प्रेषणमा सहयोग लिने र राजनीतिक नेताहरुसँग तटस्थ रहेर सेवा प्रदान गर्ने नगर प्रहरी कार्यालय रास्कोटले जानकारी दिएको छ ।
तिलाप्रेस । २२ माघ २०८०, सोमबार २१:३१