कमल कुमाल कालिकोट
कुष्ठरोग सम्बन्धी गलत अवधारणाको अन्त्य गरौ, मर्यादित व्यवहार गरौ’ भन्नेमुल नारा सहित स्वास्थ्य सेवा कार्यालय कालिकोटको आयोजनामा कुष्ठरोग सम्बन्धी जिल्ला स्तरिय पत्रकार तथा प्राविधिक सँग अन्तरक्रिया कार्यक्रम सम्पन्न भएको छ ।पछिल्लो समयमा जिल्ला अस्पताल कालिकोटमा कुष्ठरोगका बिरामी स्वास्थ्य परीक्षणका लागि स्वास्थ्य संस्थामा आउन नमान्ने गरेको पाइएको छ । स्वास्थ्य सेवा कार्यालय कालिकोटले आज जिल्लामा कुष्ठरोग सम्बन्धी गरेको अन्तरक्रिया कार्यक्रममा यस्तो बताइएको हो ।
स्वास्थ्य सेवा कार्यालयका स्रोतव्यक्ती जगदिश नेपालीले कुष्ठरोगी आफ्नो स्वास्थ्य जाँच गर्न नमान्ने जिल्लाभन्दा बाहिर गएर जाँच गर्ने गरेको बताउनुभयो । परम्परागत रूपमा गाउँ समाजमा कुष्ठरोगीलाई गरिने अवहेलना र विभेदका कारण नजिकैको स्वास्थ्य संस्थामा नजाने गरेको पाईएको हो । अन्तिम अवस्था भइसकेपछी वाध्य भएर बाहिर जिल्ला जाने गरेका छन । उहाँकाअनुसार अहिले कालिकोटमा साधारणखालका ७ जना मात्र बिरामी अस्पतालको सम्र्पकमा आएर औषधी खाइरहेका छन
सम्पन्न र शिक्षित परिवारमा यस्ता किसिमको दाग हुँदा पनि लाज मानेर लुकाउने गरेको उनको तर्क रहेको छ । शरीरको कुनै भाग, पिठ्युं, औला, गुप्तांग नजिक यस्ता दाग बढी हुने गरेकोले नचिलाउने दाग भएमा नजिकको स्वास्थ्य चौकीमा गई स्वास्थ्यकर्मीलाई देखाउन डा रोहित गुरुङले आग्रह समेत गर्नभएको छ
गत साउनदेखी कालिकोटमा कुष्ठरोगका २ जना बिरामी थपिएको र त्यसअघि ५ जनाले नियमित औषधी सेवन गरिरहेको जिल्ला स्वास्थ्य कार्यालयले जनाएको छ ।
तिलाप्रेस । २२ माघ २०८०, सोमबार २०:४७