कमल कुमाल कालिकोट
जिल्लाको खाँडाचक्र नगरपालिका वडा नम्बर एकले २० बर्ष उमेर पुग्दासक्दाँ पनि बिवाह नगरेका युवती तथा अन्तरजातिय बिवाह गर्ने एक जोडिलाई सम्मान गरेको छ । वडा सरकारले २० बर्ष उमेर पुगी बिवाह नगरेका दलित समुदायका ३ जना युवतीहरुलाई सम्मान गर्ने गरेको छ ,भने ७ जना एकल पुरूषलाई न्यानो कपडा सहित सम्मान गरेको छ ।
वडा अध्यक्ष धर्मराज ताम्राकारको अध्यक्षयतामा भएको एक कार्यक्रममा खाँडाचक्र नगरका उप प्रमुख गणेश बहादुर शाहीले २० वर्ष उमेर पुग्दा पनि बिवाह नगर्ने युवतिलाइ १ सेट कपडा साथै अन्तरजातिय बिवाह गर्ने १ जोडी र ७ जना एकल पुरूषलाई कपडा हस्तान्त्रण गर्नु भएको हो । उमेर पुगिसक्दाँ पनी बिहे नगरेकी, गौरी टमट्टा , रूगु सुनार र भृकुट्टी बिकलाई सम्मान गरिएको छ भने, अन्तरजातिय बिवाह गर्ने अम्रिता मल्ल , प्रकास बिकलाई सम्मान गरेको हो ।
एकल पुरूषहरूमा नन्द शाही , छत्र शाही , परे कामि, रने कामि,अने दमाई , आइते कामि , रूपे कामि र मोति वादी लाई राहत स्वरूप न्यानो कपडा सहित सम्मान गरीएको बताईएको छ । दलित समुदायमा बढी भन्दा बढी बाालविवाह हुने भएकाले सन्देश दिन यस्तो कार्यक्रम संचालन गरिराख्नु पर्ने युवतीको भनाई रहेको छ।
कार्यक्रममा बोल्दै शाहीले स्थानिय सरकार भोतिक पुर्वाधार निर्माण र भवन निर्माण भन्दा सामाजिक जागरण र जनताका सामान्य समस्या सामाधान गर्नु पर्ने बताउनु भयो । यस कार्यक्रमले समाजमा रहेका बालविवाह जस्ता घटनालाई न्युनिकरण गर्नका लागी टेवा पुग्ने सचिव सुनकेसा शाहीले बताउनु भयो ।कार्यक्रममा बोल्दै रेडियो प्रदेश आवाजका अध्यक्ष रत्न कार्कीले राजनितिक , भौतिक परिवर्तन भन्दा आदतिय सत्तासंग जोडीएको परम्परावादी संस्कृति र धर्मकर्ममा परिवर्तन ल्याउन कठिन भएको,र यस्ता कार्यक्रमहरु जिल्लाका नौं वटौ स्थानीय तहले लागुगर्न जरुरी रहेको समेत समेत बताए ।
तिलाप्रेस । २० माघ २०८०, शनिबार २०:४०