कमल कुमाल कालिकोट
कालिकोटमा रहेका पुरातात्विक सम्पदा (देवल) हरू संरक्षण अभावका कारण लोप हुने अवस्थामा पुगेका छन् । चौधौँ शताब्दीमा पश्चिमका नायबी मल्लकालीन राजाहरूले निर्माण गर्न लगाएका कलाकौशलयुक्त देवलहरूको उचित संरक्षण नहुँदा देवलका संरचना जीर्ण भई हराउँदै गएका छन् ।
स्थानीय जानकारहरुका अनुसार वि.सं १४ सयदेखि १८औँ शताब्दीसम्म सुदूर तथा मध्यपश्चिममा राज गर्दै आएका मल्ल राजाहरूले ग्रामीण बस्ती घुम्ने क्रममा उपयुक्त लागेको स्थानमा देवलहरू निर्माण गरी मौसमी रूपमा आवास बनाउने गरेका थिए । अहिले संरक्षण अवभावमा त्यस्ता संरचना जिर्ण बन्दै गएका छन् ।
कालिकोटको खाडाचक्र नगरपालिका, रास्कोट नगर पालिका, शान्नि त्रिवेणि गाँउपालीका ,शुभकालिका गाँउपालिका र नरहरिनाथ गाँउपालीकामा पाँच वटा मन्दिर रहेका छन् । त्यस्तै वाजुराको वडिमालिका जाने वाटोमा दर्जनौँ धर्मशाला बनाइएका छन् । स्थानीय सरकारले त्यस्ता पुरातात्विक सम्पदाको संरक्षण गरि प्रचार गर्नुपर्नेमा त्यसतर्फ ध्यान दिन सकेका छैनन् ।
तिलाप्रेस । २० माघ २०८०, शनिबार ०९:५३