कालिकोट
पोतमारा साना जलविधुत आयोजना मर्मतका लागि उर्जा मन्त्रालयको प्राविधिक टोली फिल्डमा पुगेको छ । सान्नी त्रिवेणी गाउँपालिका वडा नं. ७ मा रहेको पोतमार साना जलविधुत आयोजना विगत लामो समय देखि बन्द रहेको छ । २०७७ सालमा आएको बाढिले जलविधुत आयोजनाको नहर सहित अन्य ठाउँमा क्षति पुगाएपछि बन्द रहेको थियो ।
कालिकोट जिल्लामा राष्टिय प्रशारण लाईन जोडिनु भन्दा अगाडि यहि आयोजनाले कालिकोटमा विधुत आपुर्ति गर्दै आएको थियो । वाढि पहिरोले आयोजनाको नहर सहित मुहान र कार्यालयमा क्षति पुगाएपछि पुन मर्मत नहुँदा अहिले सम्म बन्द रहेको छ । २०७९ साल साउन ११ गते सान्नी त्रिवेणी गाउँपालिकाका अध्यक्ष सहित समाजसेविको टोली उर्जा जलस्रोत तथा सिचाई मन्त्रालयमा पुगेर तत्काल यो आयोजना मर्मत गर्न उर्जामन्त्री समक्ष माग गरेका थिए । पटक पटकको मागले मन्त्रालयले उक्त आयोजना मर्मतका लागि आज प्राविधिक टोली फिल्डमा पठाएको सान्नी त्रिवेणी गाउँपालिका अध्यक्ष मोहन बहादुर केसीले बताउनु भयो ।
उहाँले भन्नुभयो, म काठमाडौ गएको प्रतेक वेला मन्त्रालयमा गएर जलविधुत आयोजना मर्मतका लागि माग गर्ने गरेको थिए । वल्ल आएर मन्त्रालयको ध्यानकर्षण भएको छ । आयोजना मर्मतका लागि प्राविधिक टोली आयोजना रहेको स्थलमा पुगेको उहाँले बताउनु भयो । प्राविधिक टोलीले क्षति भएको आयोजनाको पुरा रिपोर्ट तयार गरेर लागत अनुमान उठाएर मर्मतको काम सुरु हुने बताउनु भयो । यो सान्नी त्रिवेणी गाउँपालिकाको मात्र नभएर जिल्लाकै ठूलो जलविधुत आयोजना भएको हुँदा यसको मर्मतका लागि सबैले साथ र सहयोग गर्नुपर्ने बताउनु भयो ।यो आयोजना अव बन्दैन कि भन्नेमा नागरिकहरु निराश थिए । अव मन्त्रालयको प्राविधिक टोली फिल्डमा पुगेपछि आयोजना बन्नेमा विश्वस्त भएका छन ।
तिलाप्रेस । २१ पुष २०८०, शनिबार ०८:२०