कमल कुमाल
कालीकोट पुस १९ गते
कालीकोटका नौं वटा स्थानीय तहमा ४९ हजार भन्दा बढीलाई टाइफाईड रोग विरुद्धको खोप लगाइएको छपुस १२ गतेदेखि १८ गतेसम्म सुरु गरिएको टाइफाईड विरुद्धको खोप अभियान बुधबार सम्पन्न भएको हो ।
कालीकोटका नौवटा स्थानीय तहमध्ये पहिलो चरणमा जिल्लाको तिलागुफा नगरपालिका, नरहरीनाथ गाउँपालिका, महाबै गाउँपालिका र पलाँता गाउँपालिकामा खोप लगाइएको थियो भने द्रोस्रो चरणको खोप रास्कोट नगरपालीका,खाडाँचक्र नगरपालिका,पचालझरना गाउँपालिका,शान्नित्रीवेणी गाउँपालिका,र शुभकालिका गाउँपालिकामा खोप लगाइएको हो । जसमा जिल्लाका नौंवटै स्थानीय तहमा ४९ हजार ९ सय ६ जना नागरिकलाई खोप लगाइएको जिल्ला स्वास्थ्य सेवा कार्यालय कालीकोटले जनाएको छ ।
नौवटा पालिकामा पुरुष २० हजार ६ सय ८४ जना र महिला २९ हजार २ सय २२ जना गरि जम्मा ४९ हजार नौं सय ६ जनाले खोप लगाएका छन् भने प्रगती प्रतिशत ८६.८२ प्रतिशत रहेको देख्न सकिन्छ
स्वास्थ्य सेवा कार्यालय कालीकोटका सूचना अधिकारी कटक महतका अनुसार पहिलो चरणको खोप १२ देखि १८ गतेसम्म्म लगाइएको हो । खोप लगाउनेमा १८ वर्षदेखी ४५ वर्ष उमेर समुहका नागरिक रहेको पनि उहाँले जानकारी दिनुभयो ।
तिलाप्रेस । १९ पुष २०८०, बिहीबार ०७:२९