फिस्टुला सम्बन्धि अभिमुखिकरण कार्यक्रम सम्पन्न 

कालिकोट जिल्लाको खाँडाचक्र नगरपालिकामा ईन्टरनेश्नल नेपाल फेलोसिप ( नेपाल ) महासंघ कालिकोट समन्वय र आईएनएफ नेपालको आयोजनामा समन्वयात्मक तथा फिस्टुला सम्बन्धी अभिमुखीकरण कार्यक्रम होटल चन्द्र सुर्यमा सम्पन्न भएको छ । गैर सरकारी महासंघ कालिकोटका अध्यक्ष बिरेन्द्र बहादुर बुढाको अध्यक्षता,आईएनएफ नेपाल नेपालगन्जका प्रतिनिधि सकुन्तला सुबेदी, कान्ति शर्मा, नेपाल पत्रकार महासंघ जिल्ला शाखा कालिकोटका ,उपाध्यक्ष नमराज योगीको विशेष आतिथ्यतामा कार्यक्रम सम्पन्न भएको हो ।

कालिकोट जिल्ला स्थित गैर सरकारी संस्थाहरु बिच समन्वय तथा आई एन एफ नेपालको बारेमा जानकारी गराउदै फिस्टुला सम्बन्धि अभिमुखिकरण तथा जानकारी दिदैें, आगामि दिनमा कालिकोट जिल्ला स्थित विभिन्न बिकास साझेदार संस्थाहरु बिच निरन्तर समन्वयका लागि कसरी जाने भन्ने उदेश्यले कार्यक्रम संचालन गरीएको आई एन एफ नेपाल कालिकोटका प्रमुख दल बहादुर बुढाले जानकारी दिनु भयो ।

जिल्लाका तीन वटा स्थानिय तह नरहरिनाथ गाउपालिका खाडाचक्र नगरपालिका र पचालझरना गाउपालिकामा दिगो जिबिको पार्जन, अपाङगता सम्बन्धि,,जलबायु परिवर्तन अनुकुल, बिपद जोखिम न्युनिकरण र बालबिबाह न्युनिकरण सम्बन्धि काम गरि रहेको प्रमुख बुढाले बताउनु भयो । २००९ सालमा पोखरामा स्थापना भएको आईएनएफ नेपालले १० वटा जिल्लाहरुमा काम गरिरहेको छ ।

तपाईको प्रतिक्रिया