कालीकोट जिल्लाको महाबै गाउँ पालिकाले जाजरकोट पुगेर भुकम्प पिडितलाई राहत सामाग्री वितरण गरेको छ । महावै गाउँपालिका अध्यक्ष खेम बहादुर सिंह (भिजन) प्रमुख प्रशासकिय अधिकृत प्रकाश शाही सहितको टोलीले भुकम्प प्रभावित क्षेत्र जाजरकोटको जुनीचाँदे गाउँपालिकालाई एक सय वटा त्रिपाल र ६० वटा कम्बल वितरण गरेको बताइएको छ।
महावै गाउँपालिका अध्यक्ष खेम बहादुर सिंहले उक्त राहत हस्तान्तरण गरेको बताइएको छ । महाबै गाउँपालिकाले यस अघि दुइ लाख बराबरको रकम भुकम्प पिडितलाई सहयोग गर्ने घोषणा गरे अनुसार उक्त रकमको त्रिपाल र कम्बल आफै खरिद गरेर हस्तान्तरण गरेको हो। कालीकोट जिल्लाका नरहरिनाथ, सान्नित्रिवेणि गाउँ पालिका र रास्कोट नगर पालिकाले प्रदेशको विपद व्यवस्थापन कोषमा रकम जम्मा गर्ने भएका छन ।
तिलाप्रेस । २७ कार्तिक २०८०, सोमबार १८:०७