२७सोमबार कालिकोट, नेकपा माओबादि केन्द्र रास्कोट नगर कमिटि कालिकोट द्धारा बडा दशै दीपावलि तथा छठपर्वको उपलक्ष्यमा आयोजित शुभकामना आदान प्रदान कार्यक्रम सोमबार एक कार्यक्रमका विच सम्पन्न भएको छ ।
रास्कोट नगरपालिका नगर कमिटि अध्यक्ष पदम खड्का (शुवास) को अध्यक्षता, नेकपा माओबादि केन्द्र कर्णाली प्रदेश कमिटि सदस्य बिष्नु प्रसाद बराल (बिजय)को प्रमुख आतिथ्यता, कर्णाली प्रदेश सदस्य भैरे तिरुवा वडा नम्बर २ का अध्यक्ष धुर्वराज सिम्खाडा,वडा नम्बर ५ का वडा अध्यक्ष मन तिरुवा,वडा नम्बर ८ अध्यक्ष मनराज बरालको बिशेष आतिथ्यतामा वडा दशै शुभ दिपावलीको अवसरमा शुभकामना आदान प्रदान कार्यक्रम सम्पन्न भएको हो ।
कार्यक्रममा बोल्दै नेकपा माओवादी केन्द्रका नगर कमिटि अध्यक्ष पदम खड्काले सरकारले जनताको पक्षमा गरेको आर्थिक परिर्वतन, सुशासन, सामाजिक न्याय र भ्रष्टाचार विरुद्धको अभियानले जनताको मनोबल उच्च भएको र जनविरोधी शक्तिहरु रक्षात्मक अवस्था पुगेको बताउनु भयो । माओवादी केन्द्रले संचालन गरेको तीन महिने जनतासँग माओवादी विशेष रुपान्तरण अभियानले माओवादी केन्द्रको पूर्णनिर्माण र अस्तव्यस्त भएको संगठनलाई बलियो बनाउने काम गरेको र जनताको जनमत फेरि माओवादी केन्द्र तर्फ आकर्षित भएको उहाँको भनाई छ ।
शुभदिपावली तथा छठ् पर्बलाई तडक भडक र अनाबश्यक खर्च नगरीकन सभ्य ढंगबाट मनाउन सबैलाई अपिल समेत गर्नुभएको छ । साथै कार्यक्रम संचालन भने नेकपा माओवादी केन्द्रका नगर कमिटि सचिव,कंन्चन शाहिले गर्नु भएको थियो ।
तिलाप्रेस । २७ कार्तिक २०८०, सोमबार १७:१४