कमल कुमाल कालिकोट
शुभकालिका गाउँपालिका
पचालझरना गाउँपालिका
नगरौ विवाहका कुरा ,भएका छैनौ २० बर्ष पुरा ,परिपक्क उमेरमा गर्भधान,सुरक्षीत जिवनको समाधान भन्ने मुल नाराका साथ तिलागुफा नगरपालिका वडा नम्बर ८ लाई बालबिवाह निषेधित वडा घोषणा गरिएको छ । तिलागुफा नगरपालिका वडा नं.८ का अध्यक्ष तिलक प्रसाद न्यौपाने को अध्यक्षता नगर प्रमुख शंकर प्रसाद उपाध्याय को प्रमुख आतिथ्यता,नगर उप प्रमुख महेन्द्र बहादुर शाहीको विशेष अतिथ्यतामा, वडा नं.८ लाई बालबिवाह निषेधित वडा घोषणा गरिएको हो । अध्यक्ष न्यौपानेका अनुसार अब बालविवाह गर्नेलाई सामाजिक बहिष्कार गरिनेछ,’ उनले भने, ‘बालबालिकाको वृत्ति विकास लगायतका सबै प्रगतिको बाधक बालविवाह सधैंका लागि अन्त्य हुनुपर्ने समेत बताए ।
त्यस्तै बालविवाहले बालबालिकाको पठनपाठनमा अवरोध पु¥याएको तिलागुफा नगरपालिका प्रमुख शंकर प्रसाद उपाध्यायले बताए । ‘सबै अभिभावकले नानीबाबुहरूले प्रगति गरेको देख्न चाहने भए उमेर पुगेपछि मात्र विवाह गरिदिनुपर्छ,’ उनले भने, ‘बालविवाह नगर्न÷नगराउन समेत सुझाव दिनु भएको छ ।
नगरपालिका उपप्रमुख शाहीका अनुसार उमेर नपुगेर विवाह गर्दा बालबालिकाको शिक्षा र स्वास्थ्यमा प्रतिकूल असर परिरहेको र बालविवाह मध्ये बालबालिका आफैंले भागेर विवाह गर्ने चलन थियो भने अहिले धैरै मात्रामा कमी आएको समेत शाहीले बताए ।
साथै वडा लाई बालबिबाह निषेधित वडा घोषणा गर्न महत्त्वपूर्ण सहयोग गर्ने वडा सरकार,सेभ द चिल्ड्रेन ,किर्डाक नेपाल , साहस नेपाल , महिला संजाल , आमा समूह, स्वंमसेविका , धामी झाँक्री ,पुरोहित, नागरिक समाज , बाल संजाल ,बालकल्व, बिद्यालय ब्यबस्थापन समितिका अध्यक्ष , प्रधानाध्यक लगायतका नागरिकलाई उप प्रमुख शाहीले धन्यबाद समेत ब्यक्त गर्नुभएको छ ।
तिलाप्रेस । २ भाद्र २०८०, शनिबार १७:५२