भुकम्पले २५ घर भत्कायो कहाँ कति क्षति भयो, विवरण सहित

हेमराज उपाध्याय बाजुरा जिल्लाको हिमाली गाउँपालिकाको बिच्छ्यामा केन्द्रबिन्दु बनाएर गएको भुकम्पका बाजुरा जिल्लाका बिभिन्न ठाउँमा गरी २५ घर भत्किएको सिजल्ल प्रहरी कार्यालय बाजुराले जनाएको छ ।भुकम्पका कारण जिल्लाभर भएको घटनाको विवरण संकलन कार्य भईरहेको जिल्ला प्रहरी कार्यालय बाजुराले जनाएको हो । मंगलबार दिउँसो २ बजेर ४३ मिनेटमा बाजुराको हिमाली गाउँपालिकाको बिच्छया आसपास केन्द्रबिन्दु बनाएर ५।९ रेक्टर भूकम्प गएको थियो ।

हिमाली गाउँपालिकाको बिच्छ्यामा केन्द्रबिन्दु बनाएर गएको भुकम्पका कारण एक जनाको मृत्यु भएको छ ।गौमुल गाउँपालिका –२ जुरेलीकी अन्दाजी ३५ वर्षीया जमुना रोकायाको मृत्यु भएको जिल्ला प्रहरी कार्यालय बाजुराले जनाएको छ । जंगलमा घास काटीरहेको बेला माथीबाट खसेको ढुगां लागेर उनको मृत्यु भएको स्थानीयले बताएको प्रहरीको भनाइ रहेको छ ।घटना भएको भनिएको ठाउमा प्रहरीको टोली गइरहेको जिल्ला प्रहरी कार्यालय बाजुराका प्रमुख सुर्य थापाले बताएका छन ।
त्यसै गरी भेडा चराउन गएका गौमुल गाउँपालिका–१ अम्लिसका एक जना घाइते भएका छन् ।
जंगलमा भेडा चराउन गएका बेला माथीबाट भिर फुटेर पहिरो जादा ५० भेडा मरेका र गाठालो गएका रामदल बोहरा घाईते भएको स्थानीयले बताएका छन् । उनको नजकिको स्वास्थ्य संस्थामा उपचार भईरहेको छ ।