२२ भदौ, सुर्खेत दैलेखकी हेमा खडका ६८ प्लस कराँते खेलको कुमेते तर्फको फाइटमा पहिलो भएर नवौं राष्ट्रिय खेलकुद प्रतियोगिताका लागि छनौट भएकी छन् ।
कर्णाली प्रदेश खेलकुद विकास परिषदले आयोजनागरि सुर्खेत जिल्लामा सम्पन्न भएको खेलमा प्रदेश ६८ प्लस कुमेते फाइट तर्फ हेमा खडका प्रथम हुँदै राष्ट्रिय प्रतियोगिताका लागि छनौट भएकी हुन । करिब ८ वर्ष पहिले गाडी दुर्घटनामा परेर शक्त घाइते भएकी खडका केही बर्षपछि खेलेमा सहभागी भई यो सफलता प्राप्त गरेकी हुन ।
गाडी दुर्घटनाले गर्दा खेल्न नसकेर छाडेको तर प्रदेश र जिल्लाको नाम उच्च राख्न खेलमा सहभागी भएर प्रथम बनेर राष्ट्रिय प्रतियोगितामा सहभागी हुनेगरि छनौट हुँदा आफुलाई गर्व महसुस भएको खडकाले बताएकी छिन । नवौं राष्ट्रिय खेलकुद प्रतियोगितापछि अब आफुले खेल क्षेत्रबाट सन्यास लिने पनि खडकाले बताइन ।दोश्रोमा सुर्खेतकी दिपा बिक र तेस्रोमा जाजरकोटकी अनिशा सिंह सुनार छनौट भएकी छिन ।
त्यसैगरी ६७ के।जि तौलका प्रथम दैलेखका हिक्मत रोका मगर, दोस्रो सुरेन्द्र शाह जुम्ला र तेस्रो सुर्खेतका लबीस थापा मगर भएको जिल्ला खेलकुद बिकास समिति दैलेखका अध्यक्ष गोपाल बिसीले जानकारी दिएका छन ।
तिलाप्रेस । २२ भाद्र २०७९, बुधबार १९:५९